فائنل میں پلوامہ کا مقابلہ اننت ناگ سے ہوگا
تنہا ایاز
پلوامہ جنوبی ضلع پلوامہ میں سیفران کرکٹ پرائمیر لیگ کا فائنل میچ 27اپریل کو سپورٹس اسٹیڈیم پلوامہ میں کھیلا جائے گا ۔اگر چہ فائنل میچ 24 اپریل کوکھیلنا تھا تاہم مسلسل بارشوں کی وجہ ممکن نہ ہو سکا ۔ فائنل میں اننت ناگ کا مقابلہ پلوامہ سے ہوگا ۔اس حوالے سے معروف ماحولیات کے ڈاکٹر روئف الرفیق جو کہ اس ٹورنمنٹ کے چیف آرگنائزر بھی ہے نے بات کرتے ہوئے کہا کہ فائنل کے حوالے سے تمام تر انتظامات کو پہلے ہی حمتی شکل دی گئی ہے ۔27 اپریل کو فائنل میچ شاندار طریقے سے کھیلا جائے گا ۔انہوں نے کہا کہ فائنل میچ میں ڈی سی پلوامہ ڈاکٹر سید عابد رشید بطور مہمان خصوصی شرکت کرینگے ۔انہوں نے مذید کہا کہ تقریب پر شاندار کارکردگی دکھانے والے کھلاڑیوں کو انعامات سے نوازا جائے گا ۔تقریب پر وادی کے کئی نامور کر کٹ کھلاڑیوں کی آمد متوقع ہے۔ نمائندے کے مطابق دونوں ٹیموں نے اس ٹورنامنٹ میں شاندار کارکردگی دکھائی اور فائنل میں کانٹے کا مقابلہ دیکھنے کو ملے گا۔
