ےو اےن اےن
پٹنہ ہ// بی جے پی کو چھوڑ کر کانگریس میں شامل ہونے کے بعد شتروگھن سنہا جمعہ کو پہلی بار پٹنہ پہنچے۔ پٹنہ ہوائی اڈہ پر اترنے کے بعد وہ سیدھے کانگریس ہیڈکوارٹر صداقت آشرم کے لئے روانہ ہو گئے۔ پارٹی دفتر میں ان کا استقبال کیا جائے گا۔ اس کے بعد وہ اپنے حامیوں اور کارکنوں سے مل کر آگے کی حکمت عملی بنائیں گے۔پٹنہ پہنچنے پر شتروگھن سنہا نے پٹنہ صاحب سے مخالف امیدوار بی جے پی کے روی شنکر پرساد کو اپنا دوست قرار دیتے ہوئے مبارکباددی۔ وہیں، انہوں نے آر جے ڈی صدر لالو پرساد یادو اور ان کے خاندان کو بھی اپنا خاندانی دوست بتایا۔ انہوں نے کہا کہ پٹنہ کے عوام ہی میرے اسٹار پرچارک ہے۔ وہیں، انہوں نے ٹویٹ کر کے پٹنہ آنے کی اطلاع دیتے ہوئے کہا کہ ’ ون مین شو -ٹو مین آرمی‘ سے دور جانے کے بعد راہل گاندھی کی قیادت میں پہلی بار پٹنہ پہنچے۔ انہوں نے تیجسوی یادو کو بہار کا مستقبل کے ابھرتا ستارہ بتاتے ہوئے کہا کہ لالو پرساد یادو اور ان کے خاندان سے میرا خاندانی تعلق ہے۔
