یو این آئی
نئی دہلی// کانگریس نے وزیر اعظم نریندر مودی اور بھارتیہ جنتا پارٹی کے صدر امت شاہ پر انتخابی ضابطہ اخلاق کی خلاف ورزی کا الزام لگاتے ہوئے جمعہ کو الیکشن کمیشن میں شکایت کی اور کہا کہ اروناچل پردیش میں ووٹ کے بدلے نوٹ دینے کے معاملے میں مسٹرمودی کے خلاف مقدمہ درج ہونا چاہئے۔ کمیشن سے ملاقات کے بعد، پارٹی کے ترجمان ابھیشیک منو سنگھوی نے کمیشن کے دفتر کے باہر صحافیوں کو بتایا کہ کانگریس نے پانچ معاملوں کے بارے میں کمیشن سے شکایت کی اور کارروائی کرنے کی درخواست کی۔مسٹر سنگھوی نے کہا کہ اروناچل پردیش میں دو دن پہلے مسٹر مودی کی ریلی سے کچھ گھنٹے پہلے وزیر اعلی پیما كھانڈو کے قافلے میں تحقیقات کے دوران 1.80 کروڑ روپے نقد برآمد کئے گئے تھے۔ ان کا الزام تھا کہ یہ پیسہ ووٹروں کو تقسیم کرنے کے لئے لے جایا جا رہا تھا اور اس معاملے میں مسٹر كھانڈو اور مسٹر مودی کے ساتھ ہی بی جے پی کے ریاستی صدر کے خلاف ایف آئی آر درج ہونی چاہیے۔الیکشن کمیشن سے ضابطہ اخلاق کی خلاف ورزی کی شکایت کرنے جانے والے کانگریس کے وفد میں سینئر لیڈر احمد پٹیل، جے رام رمیش، ابھیشیک منو سنگھوی، رنديپ سنگھ سرجےوالا اور پرنب جھا شامل تھے۔مسٹر سنگھوی نے کہا کہ کمیشن سے مہاراشٹر کے وردھا میں مسٹر مودی کی اس تقریر کی بھی شکایت کی گئی ہے جس میں انہوں نے کانگریس کے صدر راہل گاندھی کے پارلیمانی حلقہ وايناڈ کے بارے میں مذہبی تبصرہ کیا تھا۔ انہوں نے کہا کہ یہ ایک سنگین معاملہ ہے اور اس پر مسٹر مودی کے خلاف کارروائی کی جانی چاہئے۔کمیشن سے تیسری شکایت بی جے پی صدر امت شاہ کے احمد آباد میں نامزدگی بھرتے وقت حلف نامہ میں غلط معلومات دینے سے متعلق ہے۔ پارٹی نےمہاراشٹر میں قبائیلیوں کو ووٹ ڈالنے سے روکنے کی کوشش کرنے کا بی جے پی پرالزام لگایا ہے اور ان کے خلاف شکایت درج کرائی ہے۔ انہوں نے کہا کہ قبائلی ووٹ نہ دے سکیں اس کے لئے رکاوٹ کھڑی کرنے کی کوششیں کی جا رہی ہیں۔ پارٹی نےمہاراشٹر میں انتخابات کے دوران حکومت کے حکام کے غیر آئینی تقرری کی بھی شکایت کی ہے۔
