یواین آئی
حیدرآباد30مارچ()آندھراپردیش کے وزیراعلی و تلگودیشم پارٹی کے قومی صدر این چندرابابونائیڈو نے کہا ہے کہ وہ جلد ہی ثابت کریں گے کہ مودی نے اے پی کے عوام سے جھوٹ بولا ہے ۔چندرابابو نے اپنی پارٹی کے لیڈروں کے ساتھ ٹیلی کانفرنس منعقد کرتے ہوئے کہاکہ مودی نے ملک کے اہم اداروں کی ساکھ کو برباد کیا ہے اور رشوت خوروں کے لئے سرخ قالین بچھایا ہے ۔انہوں نے کہاکہ اے پی کی ترقی کے معاملہ میں بی جے پی ریاست کے عوام کو گمراہ کرنے کی کوشش کر رہی ہے ۔چندرابابو نے مشن الیکشن 2019کے سلسلہ میں پارٹی کیڈر کو ہدایات بھی جاری کیں۔انہوں نے کہاکہ عوام کو وائی ایس آرکانگریس اور بی جے پی پر سے بھروسہ اٹھ گیا ہے ۔انہوں نے کہا کہ ان کی حکومت اے پی تنظیم نو قانون میں کئے گئے وعدوں پر جلد ہی وائٹ پیپر جاری کرے گی اور یہ ثابت کردے گی کہ مودی نے گزشتہ روز اے پی کے دورہ کے موقع پرجھوٹ بولا ہے ۔یو این آئی ۔
