لازوال ڈیسک
جموںضلع الیکشن آفیسر جموں ومیش کمار کی ہدایات پر چناﺅ مہوتسو کے موضوع پر گورنمنٹ پالی ٹیکنیک کالجھ بکرم چوک جموں میں ایک بیداری پروگرام کا انعقاد عمل میں لایا گیا ۔اس موقع پر اے سی ڈی اعجاز قیصر نے بطور مہمان خصوصی شرکت کی جہاں کئی اہم سرگرمیوں کو انجام دیا گیا ۔واضح رہے اس موقع پر طلاب اور اسٹاف کو ای وی ایم ،وی وی پی اے ٹی کی تربیت اور جانکاری کے ساتھ ساتھ نکڑ ناٹک اور ڈوگری بھنگڑے کا بھی اہتمام کیا گیا جس میں ووٹ کی اہمیت کو اجاگر کیا گیا اس دوران پوسٹر بنانے کے مقابلہ جات کا بھی اہتمام کیا گیا جبکہ تقریب میں استقبالیہ خطبے کے دوران پرنسپل پالی ٹیکنیک ارون بھگوترہ نے ضلع انتظامیہ کی جانب سے ووٹران کی بیداری کیلئے اٹھائے گئے اقدامات کی سراہنا کی ۔وہیں مہمان خصوصی نے اسٹاف اور طلاب کو C-vigil ایپ اور NSVPکے استعمال کے متعلق جانکاری فراہم کرتے ہوئے کہا کہ طلب انتظامیہ کا یہ پیغام عوام تک پہنچانے میں انتظامیہ کا ساتھ دیں تاکہ زیادہ سے زیادہ عوام کو حق رائے دہی کے متعلق جانکاری فراہم کی جا سکے ۔اس موقع پر پوسٹر مقابلہ جات میں حصہ لینے والے طلاب کو اعزازات سے نوازہ گیا ۔
