آنگن واڑی اور آشا ورکران نے کی بڑی تعداد میں شرکت
لازوال ڈیسک
ادھمپورآمدہ پارلیمانی انتخابات میں ووٹران کی زیادہ شرکت کیلئے ادھپمور کے چنینی میں آشا اور آنگن واڑی ورکران کیلئے ای وی ایم ،وی وی پی اے ٹی تربیتی پروگرام کا انعقاد کیا گیا ۔واضح رہے اس تقریب کا انعقاد یہاں ضلع کمشنر ادھمپور کی قیادت میںہوا جس میں پانچ سو آنگن واڑی اور آشا ورکران نے شرکت کی ۔وہی ڈپٹی ڈی ای او کسم چب نے اپنے خیالات کا اظہار کرتے ہوئے کہا کہ اس جانکاری کو عام عوام تک پہنچایا جائے ۔انہوں نے کہا کہ وی وی پی اے ٹی نظام ایک صاف و شفاف نظام ہے جہاں ووٹران اپنے ووٹ کو ڈالنے کے بعد جانچ سکتے ہیں ۔ علاوہ ازیں سب ڈویژنل مجسٹریٹ ، تحصیلدار چنینی، بی ڈی او چنینی و دیگرآفیسران موجود تھے۔
