یواین آئی
سری نگرشمالی کشمیر کے بانڈی پورہ کے سمبل علاقے میں جمعرات کی شام دیر گئے ایک رہائشی مکان میں گیس سیلنڈر پھٹنے سے ایک سن رسیدہ شخص کی موت واقع ہوئی۔یو این آئی کو موصولہ اطلاعات کے مطابق بانڈی پورہ کے سنبل علاقے کے اندرکوٹ چھانہ محلہ میں عبدالسلام نجار ولد فتح نجار کے رہائشی مکان میں جمعرات کی شام دیر گئے ایک گیس سلینڈر زور دار دھماکے کے ساتھ پھٹ گیا جس کے نتیجے میں ایک معمر شخص کی موت واقع ہوئی۔فوت شدہ شخص کی سناخت غلام احمد نجار ولد غلام محمد نجار کے بطور ہوئی ہے۔ایک پولیس آفیسر نے واقعے کی تصدیق کرتے ہوئے کہا کہ واقعے کی اطلاع ملتے ہی فائر فائٹرس اور پولیس کی ایک ٹیم جائے ورادات پر بھیج دی گئی جنہوں نے آگ کو قابو میں لایا۔ انہوں نے بتایا کہ واقعہ کی نسبت کیس درج کرلیا گیا ہے۔
