عوامی مسائل کئے سماعت، ضلع ترقیاتی کمشنر پونچھ سے خصوصی مداخلت کی اپیل
ناظم علی خان
مینڈھرپی ڈی پی سینئر لیڈر ندیم رفیق خان نے یہاں گرسائی گاﺅں کا دورہ کیا جہاں کئی وفود نے موصوف سے ملاقات کر علاقہ کے مسائل کی جانکاری فراہم کی ۔وہیں عوامی حلقوں نے موصوف کو جانکاری فراہم کرتے ہوئے کہا کہ پانی اسکیموں کو جلد مکمل کیا جائے تاکہ موسم گرما میں عوام کو متاثر نہ ہونا پڑے ۔اس موقع پر خورشید شاہ نے موصوف سے تبادلہ خیال کرتے ہوئے کہا کہ پی ایم جی ایس وائی اور پی ڈبلیو ڈی کے تحت زیر تعمیر سڑکوں کے کام رکے پڑے ہیں ۔انہوں نے مزید کہا کہ گاﺅں گرسائی میں بجلی کی تاریں درختوں پر لگائی گئی ہیں اور اس جانب خصوصی توجہ دینے کی ضرورت ہے ۔علاوہ ازیں ہرمٹھا کسیوٹ کے ایک وفد نے بھی خان سے ملاقات کی اور علاقہ میں پانی کی مشکلات کی جانکاری فراہم کی ۔وہیں وام کے مسائل کو بغور سماعت کرتے ہوئے ندیم رفیق خان نے ضلع ترقیاتی کمشنر پونچھ سے اپیل کی کہ عوام کے مطالبات اور مسائل کی جانب خصوصی توجہ مبذول کی جائے ۔
