ایسے شرپسند عناصر کو سبق سکھاناچاہیے : فرید ملک
ریاض ملک
منڈی پیر پنچال عوامی ڈیولپمنٹ فرنٹ کے چیئر مین مولوی محمد فرید ملک نے سرنکوٹ میں پولیس کے اس قدم کی تعریف کی جس میں انہوں نے سرنکوٹ سے ایک شخص کو دوگرنیڈ سمیت گرفتار کرنے کو پولیس ہی نہیں بلکہ عوام پونچھ کی جیت اور کامیابی قرار دیاہے – لازوال کے نام اپنے پیغام میں کہا کہ اب تک نہ جانے کتنی جانےں بھینٹ چڑھ گئی ہوتی اگر یہ گرنیڈ پکڑے نہ جاتے -عوام پونچھ کی خوش قسمتی سے تعبیر کرتے ہوئے اس واقع کی پرزور الفاظ میں مذمت کی ہے -کیو نکہ نہ جانے یہ شخص کس عوامی مقام یا عبادت گاہ کو نشانہ بناکر کہرام مچادیتا- انہوں نے کہا ایسے شرپسند عناصر جو ریاست جموں وکشمیر بالخصوص خطہ پیر پنچال کے امن امان کی صورت حال کو بگاڑنا چاہتے ہیں اور بے گناہوں کا قتل عام کرنے مذہبی منافرت پھیلانے والے ان درندوں کو کڑی سے کڑی سزا دی جانی چاہیے کیوں نکہ ریاست جموں وکشمیر ہوکہ خطہ پیر پنچال یہاں کی عوام کسی بھی صورت ایسے عناصر کو برداشت نہیں کرے گی بلکہ تمام مکتبہ فکر کے لوگ ایسے لوگوں کی سخت الفاظ میں مذمت کرتے ہیں جو برسوں سے قائم بھائی چارہ کو نقصان پہنچانے کے در پہ ہیں – انہوں نے ریاستی پولیس و دوسرے قانون نافذ کرنے والے اداروں سے اپیل کی ہے وہ ایسے جرائم پیشہ افراد کو قانونی دائرہ کے تحت سزا دیں اور عوام کے سامنے ایسے عناصر کو بے نقاب کریں جو ریاست اوربالخصوص خطہ پیر پنچال راجوری پونچھ میں افراتفری کا ماحول پیداکرکے اندرونی جنگ پیداکرناچاہتے ہیں –
