منڈی میں سخت بارش اور دیہی علاقوں میں برف کی وجہ سے طلباءکی حاضری متاثر
ریاض ملک
منڈی // آج 11 مارچ 2019 کو سرمائی قریب تین ماہ کی طویل تعطیلات کو ختم کرکے سکول کھلنے کے احکامات جاری توہوئے – جس کو دیکھتے ہوے منڈی اور اس کے تمام دیہی وبالائی علاقوں میں تمام سرکاری اسکول کھل گئے – دوسری جانب آج صبح سے موسم اس قدر خراب ہواکہ تمام علاقوں میں سخت بارشوں اور برف کی وجہ سے طلبہ کی حاضری سخت متاثرہوئی – اور جس قدر اج چھٹیوں کے بعد سکول جاتے ہوے گیما گیمی نظر آنی چاہیے تھی وہ کہیں بھی دیکھنے کو نہیں ملی ہے – اور طلبہ وطالبات بڑی مشکل سے سکولوں کی طرف رواں دواں ہی تھے کہ بارش اور برف باری کا سلسلہ پھر سے شروع ہوگیا – بعض علاقوں میں برف اور بارشوں کی وجہ سے طلبہ کو واپس گھر لوٹنا پڑا کیوں کہ سردی اس قدر سخت تھی کہ بچوں کی تو بات کیا بڑے بھی ٹھنڈ سے پریشان تھے -اگر موسم ایساہی رہاتو والدین اپنے بچوں کو سکولوں میں کیسے بھیج سکتے ہیں – کیوں کہ اس وقت پہلی برف تھی کہ اچانک دوبارہ موسم خراب ہواہے –
