16505بچوں کیلئے 382مراکز کا اہتمام کیا گیا تھا
لازوال ڈیسک
کرگلضلع ترقیاتی کمشنر اور سی ای او ،ایل اے ایچ ڈی سی کرگل بصیر الحق نے کمیونٹی ہیلتھ سینٹر سنکو میں ایک بچے کو دو بوند زندگی یعنی پولیو مخالف قطرے پلا کر پولیو مہم کا آغاز کیا ۔اس موقع پر سپرنٹنڈنٹ پولیس ڈاکٹر ونود کمار، سی ایم او کرگل ڈاکٹر ابراہیم خان ، بی ایم او سنکو ڈاکٹر منور حسین ،سابق ک ونسلر سنکو آغا سید عباس نقوی و دیگران موجود تھے ۔وہیں پانچ سال سے کم عمر کے بچوں کو پولیو مخالف قطرے پلانے کیلئے 382مراکز کا اہتمام کیا گیا تھاتاکہ 16505بچوں کو پولیو مخالف قطرے پلائے جائیں۔وہیں ان خدمات کو انجام دینے کیلئے 1570ملازمین، آشا ورکر اور آنگن واڑی ورکروں کو تعینات کیا گیا تھا ۔بعد ازاں ضلع ترقیاتی کمشنر نے سی ایچ سی سنکو میں طبی سہولیات کا جائزہ لیا اور طبی عملہ کو بہتر خدمات انجام دینے پر سراہنا کی۔
