یواین آئی
گوہاٹی ہندوستانی خواتین کرکٹ ٹیم کو انگلینڈ کے خلاف ہفتہ کو یہاں ٹوئنٹی 20 میں آخری لمحے تک چلے دلچسپ مقابلے میں ایک رن کی حیرت انگیز شکست کا سامنا کرنا پڑ ا۔
آسام کرکٹ ایسوسی ایشن اسٹیڈیم میں کھیلے گئے آخری ٹوئنٹی 20 میچ میں میزبان ٹیم جیت کے قریب پہنچ کر بھی شکست کھا گئی اور انگلش خواتین نے سیریز تین ۔صفر سے اپنے نام کر لی۔انگلینڈ نے ٹاس جیتنے کے بعد پہلے بلے بازی کا فیصلہ کیا اور مقررہ 20 اووروں میں چھ وکٹ پر 119 رن بنائے ۔ اس کے جواب میں ہندوستان جیت کے قریب پہنچا لیکن مقرر اووروں میں چھ وکٹ پر وہ 118 رنز تک ہی سمٹ گیا۔ کپتان اسمرتی مندھانا نے اننگز میں 58 رنز کی نصف سنچری اننگز اور متالی راج نے ناٹ آوٹ 30 رنز بنائے لیکن کیٹی کراس نے آخری اووروں میں 18 رن پر مسلسل دو وکٹ نکال کر میزبان ٹیم کو ایک عدد جیت سے بھی محروم کر دیا۔ ہندوستانی خاتون ٹیم کو 120 رن کا ہدف حاصل ہوا لیکن سلامی بلے باز ھرلین دیول ایک رن ہی بنا سکی تھیں کہ انیا شربسول نے انہیں ونفیلڈ کے ہاتھوں کیچ کراکر پویلین بھیج دیا۔ اگرچہ کپتان مندھانا نے 39 گیندوں میں آٹھ چوکے اور ایک چھکا لگا کر 58 رنز کی نصف سنچری اننگز کھیلی اور اپنے دم پر ٹیم کو جیت کے قریب لے گئیں۔ مندھانا اپنی نویں ٹوئنٹی 20 بین الاقوامی نصف سنچری بنانے کے بعد میڈیم تیزگیندباز لارا مارش کی گیند پر بولڈ ہو گئیں اور تیسرے بلے باز کے طور پر آ¶ٹ ہوئیں۔اگرچہ ان کے علاوہ صرف تجربہ کار بلے باز متالی نے آخری وقت تک رن بنانے کا جذبہ دکھایا اور 32 گیندوں میں چار چوکے لگا کر 30 رن بنائے اور میدان سے ناٹ آوٹ لوٹیں لیکن دوسرے سرے سے انہیں خاص مدد نہیں ملی۔ جیمما روڈرگذ 11 رنز بنا کر تیسری بلے باز رہیں جو دہائی کے ہندسے تک پہنچیں۔ پرتیبھا شرما چار رن، بھارتی پھول مالی پانچ رنز اور انوجا پاٹل صفر پر آ¶ٹ ہو کر وکٹ دے بیٹھیں۔ انگلش گیندباز کراس نے آخری اوور کی چوتھی اور پانچویں گیندوں پر پھول مال¸ اور پاٹل کے مسلسل وکٹ گراکر ہندوستان کو جیت سے صرف ایک رن دور رہتے ہوئے محروم کر دیا۔ اس سے پہلے انگلینڈ کی اننگز میں ڈینیل واٹ نے 24 رن اورٹیمی بیومونٹ نے 29 رن کی اننگز کھیل کر پہلے وکٹ کے لئے 51 رن جوڑے ۔ ایمی جونس نے 26 رن بنائے ۔ ہندوستانی گیند بازوں میں پاٹل نے چار اوور میں 13 رن کی بہترین گیندبازی کرکے دو اور ھرلین نے دو اوور میں 13 رن پر انگلینڈ کے دو وکٹ لئے جبکہ ایکتا بشٹ اور پونم یادو کو ایک ایک وکٹ ملا۔انگلینڈ کے لیے دلچسپ ایک رن کی جیت میں ا سٹار رہیں کراس کو پلیئر آف دی میچ منتخب کیاگیا جبکہ ڈینیل واٹ کو سیریز میں اوورل آل کارکردگی کیلئے پلیئر آف دی سیریز منتخب کیا گیا۔
