یواین آئی
نئی دہلی ہندوستانی ریلوے نے کورونا وائرس ‘کووڈ -19’ وبا سے نمٹنے کی تیاریوں کے تحت ٹرینوں کے 20 ہزار سے زائد کوچوں کو کورینٹائن اور آئسولیشن وارڈوں میں تبدیل کرنے کا فیصلہ کیا ہے جس سے تقریباً سوا تین لاکھ بسترتیار ہوجائیں گے ۔ریلوے بورڈ کے حکام کے مطابق پہلے مرحلے میں پانچ ہزار کوچوں میں تبدیلی کا کام شروع بھی ہو گیا ہے ۔ ان میں 80 ہزار بستر دستیاب ہوں گے ۔ ریلوے کے پانچ زون پہلے ہی کوارنٹائن /آئسولیشن کوچز کے لئے پروٹوٹائپس تیار کر چکے ہیں۔ ایک کوچ میں آئسولیشن کے لئے 16 بستر لگائے جانے کا امکان ہے ۔حکام کے مطابق اس سلسلے میں سیکورٹی فورسز طبی خدمات، ریلوے کے مختلف زونوں کے طبی محکموں اور مرکزی حکومت کے تحت ایوشمان بھارت، وزارت صحت کے ساتھ مشاورت میں پروٹوٹائپ کو منظوری ملنے کے بعد یہ فیصلہ کیا گیا۔حکام کے مطابق صرف غیر ایئر کنڈیشن سلیپر کوچ کو ہی کواریٹائن / آئسولیشن کوچ میں تبدیل کئے جانے کا منصوبہ ہے ۔ ہندوستانی طرزکے ایک بیت الخلا کو باتھ روم میں تبدیل کیا جائے گا۔ اس میں بالٹی، مگ اور سوپ ڈسپینسر رکھا جائے گا۔ اس واش بیسن میں لفٹ ٹائپ ہینڈل والے نل دستیاب کرائے جائیں گے ۔ اسی طرح کے نل مناسب اونچائی پر لگائے جائیں گے ، تاکہ ان سے بالٹی میں پانی بھرا جا سکے ۔باتھ روم کے قریب پہلے کیبن کے کوریڈور میں دو اسپتال / پلاسٹک پردے آڑ کے لئے لگائے جائیں گے تاکہ پورے آٹھ برت والے کیبن میں داخل ہونے اور باہر جانے پر نظر رکھی جا سکے ۔ اس کیبن کا استعمال اسٹور / پیرامیڈکس ایریا کے طور پر کیا جائے گا۔ طبی محکمہ کی طرف سے دو آکسیجن سلنڈر دستیاب کرائے جائیں گے جن کے لئے اس کیبن کی سائیڈ برتھ والی جگہ پر مناسب کلیمپنگ کا انتظام کیا جائے گا۔ہر کیبن کے درمیان والی دونوں برتھ ہٹائی جائیں گی۔ طبی آلات لگانے کے لئے اضافی بوٹل ہولڈرس دستیاب کرائے جائیں گے ۔ یہ ہر کیبن میں ہر برتھ کے لئے دو ہوں گے ۔ ہر کیبن 2 اضافی 3 پیگ کوٹ ہکس دستیاب کرائے جائیں گے ۔ مچھروں سے بچا¶ کے لئے کھڑکیوں پر مچھردانیاں لگائی جائیں گی اور وینٹیلیشن کا بھی مناسب انتظام کیا جائے گا۔ ہر کییبن میں سرخ، نیلے اور پیلے رنگ کے 3 کوڑے دان رکھے جائیں گے جن کے ڈھکن پا¶ں سے کھولے جا سکیں گے اور ان میں کوڑے والی تھیلیاں لگی ہوں گی۔کوچوں کے آئسولیشن کے لئے کوچ کی چھت اور کوچ کی کھڑکیوں کے اوپر اور نیچے دونوں طرف بانس / خس کی چٹائیاں فکس / چپکائی جا سکتی ہیں، تاکہ کوچ کے اندر گرمی کے اثرات کو روکا جا سکے ۔ لیپ ٹاپ اور موبائل کی چارجنگ کے لئے سبھی پوائنٹ کام کرنے کی حالت میں ہوں گے ۔ یہ بھی یقینی بنایا جائے گا کہ جب بھی کوچ کا مطالبہ کیا جائے گا تب خصوصیات سے متعلق تمام فٹنگس اپنی جگہ دستیاب ہوں گی۔یو این آئی۔
