محکمہ بجلی کی غفلت شعاری ، عوام سراپا احتجاج
شوکت پرواز
درماڑی //مہور کے علاقہ انگرالہ اور چسانہ میں عوام بجلی کے کافی دنوں سے نہ ہونے کی وجہ سے پریشان چسانہ میں پچھلے دس دنوں سے ٹرانسفارمر جل چکا ہے، جو ابھی تک روڑھ سائڈ پڑا ہے ،نہ محکمہ کے ملازمین نیا ٹرانسفارمر دیتے ہیں اور نہ ہی پرانے کو سڑک سے اٹھا کر بنانے کیلئے بہجتے ہیں۔ مقامی لوگوں کا کہنا ہے دس دنوں سے ہم لوگ بجلی کی غیر ماجودگی سے پریشان ہیں، بجلی ملازمین نہ تو فون اٹھاتے ہی ،اور نہ ہی اعلیٰ آفیسر موقع پر آکر اس مسئلہ کا حل نکالتے ہیں۔ مقامی لوگوں نے کہا بجلی دستیاب کرنا تو دور کی بات تھی مگر محکمہ ٹرانسفارمر کو روڑھ سے نہیں اٹھا رہے ہیں۔ اسلئے انگرالہ اور چسانہ کے مقامی لوگوں نے آج محکمہ بجلی کے خلاف احتجاج کرتے ہوئے ضلع صدر ریاسی سے پر زور بجلی ٹرانسفارمر کی مانگ کی ہے۔ اور کہا ہے کہ ہمیں جلد از جلد بجلی فراہم کی جائے ۔
