جموں کی حالیہ صورتحال اوربھائی چارے پر گفتگو کی گئی
لازوال ڈیسک
جموںمسلم کو آر ڈینیشن کمیٹی جموں کا ایک اجلاس چھنی ہمت جموں میں کمیٹی صدر انجینئر عبدالغنی کوہلی کی قیادت میں منعقد ہواجس میں کمیٹی جنرل سکریٹری عزیز قریشی، شیخ شکیل احمد، آزاد حسین شاہ، ہارون چوہدری، نسیم ملک، بشارت چوہدری، نصیب علی، جہانگیر چوہدری نے بھی شرکت کی ۔اس موقع پر جموں کی حالیہ صورتحال پر اور امن بھائی چارہ پر گفتگو کی گئی ۔وہیں شرکاءنے اپنے خیالات کا اظہار کرتے ہوئے کہا کہ ہندو مسلم بھائی چارے کیلئے ہر ممکن کاوشیں کی جائیں گی اور مستقبل قریب میں اجلاس منعقد کیا جائے گا جس میں علاقہ میں ہندو مسلم بھائی چارے پر تبادلہ خیال کیا جائے گا ۔وہیں پڑوسی ملک پاکستان کیلئے ہندوستان حکومت کی جانب سے چلائی جا رہی پالیسیوں کی بھی سراہنا کے ساتھ ساتھ گجر بکروال طبقہ کے مسائل کو بھی زیر بحث رکھا گیا ۔
