اب کی راتیں وہ دن کہاں تنہا
بزمِ گلدستہ¿ جہاں تنہا
درد و فرقت میں جسم و جاں تنہا
میں یہاں ہوں ہے تو وہاں تنہا
دشتِ صحرا میں دھوم ہے کیسی
یاں چمن میں ہیں آشیاں تنہا
کون سمجھے زباں، کہوں کس سے
لکھ رہا ہوں میں داستاں تنہا
یادِ ماضی کو یوں بھلاتا ہوں
اب کے قدموں کے ہیں نشاں تنہا
جب بھی ساون کو یاد کرتا ہوں
میری یادوں کا ہے دھواں تنہا
جان لیوا ہے غم جدائی کا
آج دل کیوں ہے، یہ زباں تنہا
جانے یہ شعر و شاعری کیا ہے
کیوں ہے نادیدنی سماں تنہا
تیرگی مجھ سے خوف کھاتی ہے
ورنہ جینے میں ہم کہاں تنہا
دل پریشاں ہے عقل بھی ہے دھنگ
ہے زمیں تنگ آسماں تنہا
صبر کرنا چراغ، سہہ لینا
گل چمن کے کھلے یہاں تنہا
