یو این آئی
اوریا؍؍اترپردیش کے ضلع اوریا کے اسمبلی حلقے بدھونا میں سماج وادی پارٹی (ایس پی) کے قومی صدر اکھلیش یادو نے ہفتہ کو 16کلومیٹر لمبا روڈ شو کیا۔ اس دوران انہوں نے کہا کہ یہ جو الیکشن ہونے جارہا ہے یہ نہ صرف ہمارے مستقبل، بلکہ آنے والی نسل کا مستقبل کیسا ہوگا اس کے لئے ہورہا ہے۔چوتھے مرحلے کے انتخابی مہم کے آخری دن ہفتہ کو اکھلیش نے بدھونا سے ایروا کٹرا تک 16کلو میٹر لمبا روڈ شو کیا۔ اکھلیش ہیلی کاپٹر سے تقریبا ایک بجے قصبے میں تحصیل کے پیچھے بنے ہیلی پیڈ پر اترے۔ جس کے بعد بھگت سنگھ چوراہئے پر پہنچ کر وہاں کھڑے سماج وادی پی ڈی اے رتھ پر سوار ہوئے۔ رتھ پر سوار ہوکر سب سے پہلے انہوں نے اپنے حامیوں کا ہاتھ ہلا کر استقبال قبول کیا اور حمایت کی اپیل کی۔بدھونا اسمبلی حلقہ قنوج لوک سبھا حلقے میں آتا ہے اور یہاں سے اکھلیش یادو کود الیکشن لڑرہے ہیں۔اس دوران ایس پی صدر نے کہا کہ بی جیپی حکومت نے بے روزگاری دی، مہنگائی دی اور کتنی ناانصافیاں کیں۔ کوئی طبقہ نہیں بچا جسے اس حکومت نے رسوا نہ کیا ہو۔ انہوں نے کہا کہ ان لوگوں نے بھید بھاؤ کے ساتھ جنتی ناانصافیاں کرسکتے ہیں کیا۔ انہوں نے کہا کہ آج خوشی ہے کہ اس بار بدھونا اور آس پاس کے لوگوں نے قنوج و اٹاوہ لوک سبھا سیٹوں کو جیتنے کا من بنا لیا ہے۔
انہوں نے کہا کہ اب تو بزرگوں کا ساتھ بھی پی ڈی اے کے ساتھ ہے۔ آج کے اس روڈ شو میں ایسے لوگ دکھ رہے ہیں۔ ایسے بزرگ دکھ رہے ہیں جنہوں نے کبھی ڈاکٹر لوہیا، نیتا جی( ملائم سنگھ یادو) و دھنی رام ورما کے علاوہ مجے بھی الیکشن لڑایا ہے۔ انہوں نے کہا کہ آپ لوگ بدھونا تو دیکھنا ہی اور ساتھ ہی دبیا پور کو بھی دیکھتے رہنا۔ایس پی سربراہ اکھلیش یادو کے روڈ شو کے دوران حامیوں کی بھاری بھیڑ تھی۔ کارکنان جوش میں جم کر نعرے بازی کرتے دکھائی دئیے۔ اس دوران ایروا کٹرا روڈ پر جام لگ گیا۔ انتخابی حکمت عملی کے لئے ایس پی صدر اکھلیش یاد ونے کچھ مقامی لیڈروں کو رتھ پر بٹھایا۔
