کیف، // امریکہ کی میزبانی میں یوکرین ڈیفنس کانٹیکٹ گروپ (یو ڈی سی جی) کا اجلاس جمعرات کو بیلجیم کے دارالحکومت برسلز میں منعقد ہوگا۔
یوڈی سی جی کے ارکان کیف میں مزید فوجی امداد پر تبادلہ خیال کریں گے۔ یوڈی سی جی کا اجلاس پہلے بدھ کو ہونا تھا۔ امریکی وزیر دفاع لائیڈ آسٹن کے حال ہی میں اسپتال میں داخل ہونے کے بعد اجلاس کل کے لیے ملتوی کر دیا گیا۔
وزیر دفاع کو اس ہفتے برسلز کا دورہ کرنا تھا لیکن 2024 میں دوسری بار اسپتال میں داخل ہونے کے بعد انہوں نے اپنا دورہ منسوخ کر دیا۔ توقع ہے کہ امریکی معاون وزیر دفاع سیلسٹی والنڈر مسٹر آسٹن کی جگہ لیں گے اور میٹنگ میں امریکہ کی نمائندگی کریں گے۔
