لیفٹیننٹ گورنر نے سنجواں میں سستی کرایہ دار مکانات کمپلیکس کا اِفتتاح کیا،چابیاں مستحقین کے حوالے کیں
لازوال ڈیسک
جموں؍؍لیفٹیننٹ گورنر منوج سِنہا نے آج سنجواں میں پی ایم اے وائی ( اَربن) مشن کے تحت سستی کرایہ دار مکانات کمپلیکس کا اِفتتاح کیا۔اُنہوں نے یہ سہولیت جموں وکشمیر کے مزدور ، افرادی قوت اورکمزور طبقے کے لئے وقف کی اور رہائشی یونٹوں کی چابیاں مستحقین کے حوالے کیں۔لیفٹیننٹ گورنر نے کہا،’’ مزدور جموںوکشمیر کی ترقی کے بنیادی محرک ہیں اور ان کے معیارِ زندگی کو بہتر بنانا ہمارا حتمی مقصد ہے ۔آج جموںوکشمیر یوٹی کی پوری ورکنگ کمیونٹی کے لئے ایک نئے دور کا آغاز ہے۔اُنہوں نے کہا کہ سستی کرایہ دار مکانات کمپلیکس شہری غریبوں ، مائیگرنٹ کارکنوں اور معاشرے کے کمزور طبقات کو ان کے کام کی جگہ کے قریب باوقار زندگی فراہم کرے گا۔لیفٹیننٹ گورنر نے مزید کہا کہ اِس طرح کے اقدامات پسماندہ اَفراد کے لئے ایک دیر پا ہائوسنگ ایکو سسٹم تشکیل دیں گے ، ایک کنبہ کی زندگی میں معیاری تبدیلی لائیں گے، مستقبل کی کچی آبادیوں کی نشو و نما کو روکیں گے اور ’ اتما نربھر بھارت ابھیان‘ کے ویژن کو پورا کریں گے۔اُنہوں نے ہندوستان کی معیشت میں اَفرادی قوت کے اہم کردار کو تسلیم کیا ۔اُنہوں نے شہری مائیگرنٹ ، غریب اور کام کرنے والے طبقے کے لئے متحرک ، دیر پااور جامع کرایہ کے مکانات کے مواقع پیدا کرنے کے لئے جموںوکشمیر یوٹی اِنتظامیہ کے عزم اعادہ کیا۔لیفٹیننٹ گوررنر نے کہا ،’’ لیبر فورس اور ورکرز ہماری تجارت ، کاروبار ، صنعتوں میں ریڑھ کی ہڈی کی حیثیت رکھتے ہیں اور جموںوکشمیر کو مضبوط اور اتم نربھر کی تعمیر میں گراں قدر حصہ اَدا کر رہے ہیں۔اِس کے علاوہ ہنرمندی اور کارکنوں کو مواقع فراہم کرنا ہماری ذمہ داری ہے کہ ہم ان کے مفادات کا تحفظ کریں اور کنبہ کے لئے معیاری زندگی کو یقینی بنائیں۔‘‘لیفٹیننٹ گورنر نے اِفتتاحی تقریب میں جموںوکشمیر یوٹی اِنتظامیہ کے ذریعہ معاش کے ذرائع فراہم کرنے اور اَفرادی قوت کے معیار ِ زندگی کو بلند کرنے کے لئے کی گئی اَقدامات کا بھی اشتراک کیا۔اُنہوں نے کہاکہ 3برس سے بھی کم عرصے میں خود روزگار کے بہت زیادہ مواقع پیدا ہوئے ہیں اور ہم معیشت کی ضروریات کو پورا کرنے اور بہتر معیاری روزگار کے حصول کے لئے کارکنوں کی ہنرمندی پر توجہ مرکوز کرتے رہتے ہیں۔پرنسپل سیکرٹری مکانات اور شہری ترقی محکمہ پرشانت گوئیل نے جموںوکشمیر یوٹی کے لوگوں کو سستی مکانات فراہم کرنے کے لئے محکمہ کے سستی کرایہ دار مکانات کمپلیکس ( اے آر ایچ سی ) او راِسی طرھ کے دیگر منصوبوں کے بارے میں تفصیلی جانکاری دی۔آج سنجوان میں کل 336 فلیٹوں میں سے 192فلیٹ 2200 روپے ماہانہ کے سستے کرایہ پر اے آر ایچ سی مستحقین کے حوالے کئے گئے ۔ اِس موقعہ بتایا گیا کہ باقی فلیٹ اِس برس اکتوبر تک حوالے کئے جائیں گے۔اِس موقعہ پر میئر جے ایم سی ایس راجندر شرما، چیئرمین ضلع ترقیاتی کونسل جموں بھارت بھوشن ، اے ڈی جی پی جموں مکیش سنگھ، صوبائی کمشنر جموں رمیش کمار، یو ایل بی کے نمائندے ، اعلیٰ حکام اور ممتاز شہری موجو د تھے۔
