یواین آئی
لندن؍؍لاکھوں مظاہرین نے ہفتے کے روز یورپ، مشرق وسطیٰ اور ایشیا کے کئی شہروں میں اسرائیل فلسطین تنازع میں فلسطینیوں کی حمایت کے لیے ریلیاں نکالیں۔ڈان نے اتوار کو یہ اطلاع دی۔سب سے بڑے مظاہروں میں سے ایک کا انعقاد لندن میں کیا گیا تھا اور فضائی ویڈیو میں دکھایا گیا تھا کہ سینکڑوں مظاہرین برطانوی دارالحکومت میں مارچ کر رہے ہیں اور وزیر اعظم رشی سنک کی حکومت سے تنازع کو روکنے کا مطالبہ کر رہے ہیں۔امریکی مؤقف سے اتفاق کرتے ہوئے، سنک حکومت نے جنگ بندی کی اپیل کرنا بند کر دیا ہے اور اس کے بجائے امداد کو غزہ پہنچنے کی اجازت دینے کی وکالت کی ہے۔ 7 اکتوبر کو اسرائیل پر حماس کے حملے کے بعد برطانیہ نے اسرائیل کے اپنے دفاع کے حق کی حمایت کی ہے۔اسرائیل پر حماس کے حملوں نے مغربی حکومتوں اور بہت سے شہریوں کی طرف سے اسرائیل کے لیے بھرپور حمایت اور ہمدردی حاصل کی ہے، لیکن اسرائیل کی جوابی کارروائی نے خاص طور پر عرب اور دیگر مسلم ممالک کو مشتعل کر دیا ہے۔
