سرکار کی جانب سے شروع کی گئی اسکیموں پر کیا تبادلہ خیال
لازوال ڈیسک
راجوری؍؍جموں و کشمیر کی گجر اور بکروال قبائلی برادریوں کا شمار سب سے زیادہ پسماندہ قبائل میں ہوتا ہے۔ آزادی کے بعد سے، وہ بنیادی سہولیات سے محروم تھے اور تعلیمی، معاشی اور سماجی پسماندگی کا سامنا کرتے رہے۔ یہ مسئلہ اہم تشویش کا باعث ہے، ریاستی اور مرکزی حکومتوں نے گجر اور بکروال برادریوں کو تعلیم، صحت اور روزگار میں مدد فراہم کرکے ان کی ترقی کے لیے مختلف اسکیمیں شروع کی ہیں۔ ان سرکاری اسکیموں اور پالیسیوں کے بارے میں بیداری پھیلانے کے لیے، ہندوستانی فوج نے راجوری ضلع کے سونگری میں گجر اور بکروالوں کے ساتھ بات چیت کی۔ اس موقع پرکلیدی توجہ کا علاقہ بچوں کے لیے اسکالرشپس، بینک لون اسکیمیں، سوکنیا سمریدھی یوجنا، ایریا ڈیولپمنٹ اسکیمیں، اور ان کی ترقی کے لیے بنائے گئے دیگر حکومتی اقدامات تھے۔
