طلباءنے سوچھتا کے تحت بیداری پیغام دیا
اجمل ملک
رام بن //ضلع رام بن کے تحصیل پوگل پریستان کے ہائر سیکنڈری سکول اکھڑہال کے طلباءنے سوچھ بھارت ابھیان کے تحت ایک ریلی نکالی جو کہ اکھڑہال مسجد بازار سے شروع ہو ئی اور اکھڑہال ہسپتال کنچی میں اختتام پذیر ۔ سوچھ بھارت مشن کے کی اس تقریب کی صدارت تحصیلدار اکھڑہال اور پرنسپل ہائر سیکنڈری اکھڑہال زارا سنگھ کر رہے تھے ۔ اس موقع پر تحصیلدار اکھڑہال نے تقریب سے خطاب کر تے ہوئے کہاکہ اس انسان کے لئے سب سے ضروری صفائی ہے کیونکہ صفائی سے کئی قسم کی بیماریوں سے بچا جا سکتا ہے ۔ یہ صفائی ابھیان جو کہ بھارت کے وزیر اعظم نریندر مودی نے شروع کیا تھا اب ہمارا فرض اولین ہے کہ اس مشن کو آگے بڑھائیں اور لوگوں کو صفائی ستھرائی کے بارے میں بتائیں کہ انسان کو اسے کیا فائدہ ملتا ہے ۔ اس ریلی میں اکھڑہال کے معززین نے ،بی ڈی او اکھڑہال نے بھی شرکت کی ۔ اس تقریب میں بی ایم او اکھڑہال نے بھی بچوں سے خطاب کیا اور سوچھ بھارت مشن کے بارے میں جانکاری ۔ اس کے علاوہ امید کے ورکروں نے بھی اس تقریب میں بڑھ چڑھ کر حصہ لیا ۔
