گونڈہ:24جولائی(یواین آئی) اترپردیش کے ضلع گونڈہ کے منکا پور علاقے میں پٹیشوری قتل واردات کا انکشاف کرپولیس نے بدھ کو ایک لڑکی سمیت تین ملزمین کو گرفتار کیا ہے۔
اڈیشنل ایس پی ونیت جیسوال نے بتایا کہ گذشتہ 20جولائی کو بھرہو بھٹہ گاؤں میں پٹیشوری نامی ایک عمر رسیدہ خاتون کا دھار دار ہتھیار سے قتل کردیا گیا تھا۔ اس سلسلے میں اہل خانہ کی تحریر پر رپورٹ درج کر معاملے کے انکشاف کے لئے تشکیل دی گئی ٹیم قتل کے ملزمین رنکی چوہان، دنیش اور سلمان کو منکا پور علاقے میں واقع فائر اسٹیشن کے نزدیک سے گرفتار کرلیا اور ان کے قبضے سے قتل میں استعمال کی گئی کلہاڑی اور موبائل برآمد کیا ہے۔
انہوں نے بتایا کہ ملزم رنکی نے بتایا کہ اس کے دادا پٹیشوری نے اس کو ملکیت سے بے دخل کر ساری جائیداد دیگر پوتوں کے نام کررہے تھے جس سے دلبرداشتہ ہوکر اس نے اپنے دوست دنیش کے ساتھ مل کر اپنے دادا کو راستے سے ہٹانے کے لئے ان کا قتل کروا دیا۔ پولیس فرار ملزم دنیش کو تلاش کررہی ہے۔
