کھیل نوجوانوں کی توانائی کو بروئے کار لانے کا ذریعہ ہیں: پرنسپل کالج
لازوال ڈیسک
جموں// گورنمنٹ پولی ٹیکنک جموں کے اسپورٹس ونگ نے ایم اے اسٹیڈیم جموں میں ادارے کی مختلف انجینئرنگ اور نان انجینئرنگ برانچوں کے لڑکوں اور لڑکیوں کے لیے ایک "ریس مقابلہ” کا انعقاد کیا، جس میں 40 طلباء نے حصہ لیا۔وہیں لڑکوں کے لیے۵ کلومیٹر اور لڑکیوں کے لیے 2 کلومیٹر دوڑایونٹ کے پہلے مرحلے میں تمام شعبہ جات نے ہر برانچ سے 3 لڑکوں، 2 لڑکیوں کے کھلاڑیوں کے انتخاب کے لیے ٹرائلز کا انعقاد کیا۔ پرنسپل انجنیئرارون بنگوترا نے انعامات کی تقسیم کے دوران تمام شرکاء کومقابلے میں حصہ لینے پر شاباش دی۔ انہوں نے کہا کہ کھیل نوجوانوں کی توانائی کو بروئے کار لانے اور ہندوستان کو ایک متحرک اور توانا ملک بنانے کے لیے مثبت کردار ادا کرنے کا ایک ذریعہ ہے۔ انہوں نے پوڈیم تک پہنچنے والے طلباء کو مبارکباد دی اور دوسروں کو بھی حوصلہ دیا کہ وہ اگلی بار ایونٹ جیتنے کے لیے سخت محنت کریں۔ انہوں نے طلبائ، اساتذہ اور عملے کو وکست بھارت 2047 کے بارے میں بھی آگاہ کیا، جو کہ حکومت ہند کا وژن ہے کہ وہ 2047 تک ہندوستان کو ایک ترقی یافتہ ملک بنائے، اس کی آزادی کے 100ویں سال میں۔وہیںبوائز 5 کلومیٹر دوڑ میں انفارمیشن ٹکنالوجی ڈیپارٹمنٹ کے 5 ویں سمسٹر کے جپنیت پال سنگھ نے پہلا مقام حاصل کیا، دوسری پوزیشن ٹریول اینڈ ٹورازم ڈیپارٹمنٹ کے پہلے سمسٹر کے راکیش کمار نے اور تیسری پوزیشن سول انجینئرنگ ڈیپارٹمنٹ کے 5ویں سمسٹر کے آکاش دیپ نے حاصل کی۔لڑکیوں کے 2 کلومیٹر کے زمرے میں ریس سول انجینئرنگ ڈیپارٹمنٹ کے 5ویں سمسٹر کی پریتی کماری نے جیتی، دوسرا مقام آرکیٹیکچر ڈیپارٹمنٹ کے تیسرے سمسٹر کی نینسی نے جیتا اور تیسرا مقام ٹریول اینڈ ٹورازم ڈیپارٹمنٹ کے پہلے سمسٹر کی کومل بھارتی نے حاصل کیا۔ اسپورٹس سکریٹری امیت شرما نے مہمان خصوصی انجنیئرارون بنگوترا اور مہمان خصوصی اندرجیت سنگھ کا طلباء کی حوصلہ افزائی کے لیے اپنا قیمتی وقت نکالنے پر شکریہ ادا کیا۔
