سرکاری محکموں میں 6 ماہ کے اندر تمام خالی اسامیوں کو پر کیا جائے گا:منوج سنہا
کہابعض پارٹیوں نے سرکاری خزانے کو لوٹا اور بیرونی ممالک میں بڑے بنگلے بنائے اور جموں وکشمیر کے عام لوگوں کو یہیں تکلیف میں چھوڑ دیا
لازوال ڈیسک
سری نگر؍؍جموں وکشمیر کے لیفٹیننٹ گورنر منوج سنہا کا کہنا ہے کہ مختلف سرکاری محکموں میں تمام خالی اسامیوں کو ایک ’بڑی بھرتی مہم‘کے تحت اگلے چھ مہینوں میں پْر کیا جائے گا ۔علاقائی پارٹیوں کو ہدف تنقید بناتے ہوئے مسٹر سنہا کا کہنا تھا: ’’بعض پارٹیوں نے سرکاری خزانے کو لوٹا اور بیرونی ممالک میں بڑے بنگلے بنائے اور جموں وکشمیر کے عام لوگوں کو یہیں تکلیف میں چھوڑ دیا‘‘۔انہوں نے کہا کہ سال گذشتہ یونین ٹریٹری کے ذریعے ایک بھرتی مہم شروع کی گئی تھی جس کے تحت سینکڑوں نوجوانوں کو شفاف طریقے سے بھرتی کیا گیا ۔موصوف لیفٹیننٹ گورنر نے ان باتوں کا اظہار منگل کو وسطی ضلع گاندربل میں کئی ترقیاتی پروجیکٹوں کا افتتاح اور سنگ بنیاد رکھنے کے بعد اپنے خطاب کے دوران کیا۔انہوں نے کہا: ‘سال گذشتہ یونین ٹریٹری انتظامیہ نے ایک بھرتی مہم شروع کی تھی جس کے تحت سینکڑوں نوجوانوں کو بھرتی کیا گیا’۔ان کا کہنا تھا: ’’میں یہاں یہ اعلان کرنا چاہتا ہوں کہ سرکاری محکموں میں تمام خالی اسامیوں کو شفاف طریقے سے اگلے چھ مہینوں میں پْر کیا جائے گا‘‘۔انہوں نے کہا کہ ایک غریب آدمی کے بیٹے کو بھی افسر بننے کا حق ہے۔منوج سنہا نے کہا کہ حال ہی میں ایک سبزی فروش کی بیٹی کے اے ایس افسر بن گئی۔انہوں نے کہا: ‘وہ (مذکورہ کے اے ایس افسر) مجھے ملی اور کہا کہ میں نے افسر بننے کا کبھی خواب بھی نہیں دیکھا تھا، میں نے اس کو یقین دلایا کہ غریبوں کے بچوں کو بھی امیروں کے بچوں کے جیسے حقوق حاصل ہیں‘‘۔علاقائی پارٹیوں کو ہدف تنقید بناتے ہوئے مسٹر سنہا کا کہنا تھا: ’’بعض پارٹیوں نے سرکاری خزانے کو لوٹا اور بیرونی ممالک میں بڑے بنگلے بنائے اور جموں وکشمیر کے عام لوگوں کو یہیں تکلیف میں چھوڑ دیا‘‘۔انہوں نے کہا: ‘ان لوگوں کو امن ہضم نہیں ہوتا ہے ار یہ لوگ ایک یا دوسرا بہانہ بنا کر لوگوں کو گمراہ کرنے اور اکسانے کے لئے لگاتار سازشیں کر رہے ہیں’۔ان کا کہنا تھا کہ گاندربل ضلع میں وزیر اعظم آواس یوجنا سکیم کے تحت 28 سو لوگوں میں آواس تقسیم کئے گئے۔لیفٹیننٹ گورنر نے اپنے خطاب میں کہا: ‘میں یہ بات واضح کرنا چاہتا ہوں کہ جموں وکشمیر میں ایک بھی غیر مقامی شخص کو آواس فراہم نہیں کیا گیا’۔انہوں نے کہا: ‘لیکن کچھ لوگ ایسے ہیں جو غریبوں کو اپنے گھر بناتے ہوئے نہیں دیکھنا چاہتے ہیں اور وہ اس کی مخالفت کرتے ہیں۔ان کا کہنا تھا: ‘وہ زمانہ گذر گیا جب یہاں پاکستان یا یہاں اس کے کٹھ پتلیوں کی کال پر اسکول یا کالج بند رہا کرتے تھے جموں و کشمیر اب امن اور خوشحالی کی راہ پر گامزن ہے اور یہاں کے لوگ بھی پر امن اور خوشحال زندگی بسر کر رہے ہیں’۔منوج سنہا نے کہا کہ سال گذشتہ ایک کروڑ 88 لاکھ سیاحوں نے جموں وکشمیر کی سیر کی جن سے مقامی لوگوں کو فائدہ ہوا۔انہوں نے کہا: ‘ان سیاحوں سے مقامی ٹیکسی والوں، ہوٹل والوں، رکشا والوں، شکارا والوں وغیرہ لوگوں کو کافی فائدہ ہوا’۔ان کا کہنا تھا: ‘امسال آخر اگست تک ایک کروڑ 52 لاکھ سیاح یہاں آئے ہیں اور امسال یہ تعداد سوا دو کروڑ کو تجاوز کرنے کی توقع ہے لیکن کچھ لوگوں کو یہ بھی ہضم نہیں ہوتا ہے اور وہ گمراہ کن بیانات دیتے ہیں’۔لیفٹیننٹ گورنر نے کہا کہ گاندربل پر بڑی ترقی کی راہ گامزن ہے۔انہوں نے کہا: ‘میں خوشی محسوس کر رہا ہوں کہ گاندربل بہت جلد دنیا کے سیاحتی نقشے پر نمو دار ہونے والا ہے ساڑھے تین لاکھ سیاحوں نے سونہ مرگ کی سیر کی جو ایک بڑی تعداد ہے’۔موصوف ایل جی نے کہا کہ آج میں نے کئی پروجیکٹوں کا افتتاح کیا لیکن بدقسمتی کی بات یہ ہے کہ ان پروجیکٹوں کا سنگ بنیاد 12 برس قبل رکھا گیا تھا۔انہوں نے کہا: ‘ سابق حکمرانوں کی طرف سے یہاں ایک ٹرینڈ قائم کیا گیا تھا کہ منصوبوں کا سنگ بنیاد رکھا جائے نہ کہ ان کو مکمل کیا جائے’۔ان کا کہنا تھا: ‘گاندر بل میں 75 پروجیکٹوں کو لٹکے ہوئے پروجیکٹوں کی فہرست میں رکھا گیا تھا جن میں سے موجودہ انتظامیہ نے 33 کو مکمل کیا ہے اور باقی 45 پرجیکٹوں کو بھی جلد مکمل کیا جائے گا’۔لیفٹیننٹ گورنر نے کہا ،’’ گزشتہ چار برسوں میں تیز رفتار ترقی اور جدید بنیادی ڈھانچے میں بے مثال سرمایہ کاری جموںوکشمیر کی اِقتصادی ترقی کی راہ کو تشکیل دے کر لوگوں کی اُمنگوں کو تقویت دے رہی ہے ۔‘‘اُنہوں نے کہا کہ سال2019 ء سے پہلے تاخیر ایک معمول تھا ۔اَب منصوبوں کی جلد تکمیل اِنتظامیہ کی اوّلین ترجیح ہے ۔اُنہوں نے کہا کہ ہم نے پورے جموں وکشمیر یوٹی میں ایسے 1,500 پروجیکٹ مکمل کئے ہیں جو 5سے 20برس سے زیر اِلتوأ تھے۔لیفٹیننٹ گورنر نے شہریوں کے لئے زندگی میں آسانی کو یقینی بنانے کے لئے کئی دہائیوں کے ترقیاتی خِلا کو دُور کرنے کے لئے جموںوکشمیر یوٹی اِنتظامیہ کے عزم کا اعادہ کیا۔اُنہوں نے کہا کہ گاندربل کو ایک علحٰیدہ ضلع بننے کے بعد کافی عرصے تک نظر اَنداز کیا گیا تھا۔جب ملک ترقی کی طرف گامزن تھا تو یہاں کے لوگ بنیادی سہولیات سے محروم تھے ۔ اُنہوں نے کہا کہ بیہامہ میں بس ٹرمنل کمپلیکس جیسے پروجیکٹوں کا آج اِفتتاح کیا گیا ہے جو ایک دہائی پہلے ہی مکمل ہوجانا چاہئے تھے۔لیفٹیننٹ گورنرنے کہا کہ جموںوکشمیر یوٹی اِنتظامیہ نے ترقیاتی اَمور پر توجہ مرکوز کرنے اور بڑے پیمانے پر اِقتصادی سرگرمیوں کو خصوصی فروغ دینے کے لئے متعدد فعال اَقداما ت کئے ہیںاور مختلف شعبوں سے متعلق مسائل کو ترجیحی بنیادوں پر حل کیا جارہا ہے۔اُنہوں نے کہا کہ ہم سیاحتی شعبے میں گاندربل کی ترقی کی صلاحیت سے فائدہ اُٹھانے کے لئے بھی اہم کوششیں کر رہے ہیں ۔ اُنہوں نے کہا کہ سونہ مرگ اَب عالمی سیاحتی نقشے پر ہے اور سیاحوں کی بڑھتی ہوئی آمد نے مقامی معیشت کو فروغ دیا ہے۔لیفٹیننٹ گورنر نے ضلع اِنتظامیہ گاندربل اور عوامی نمائندوں کو مختلف شعبوں میں نمایاں پیش رفت کرنے پر مُبارک باد دی۔اُنہوں نے مقامی اِنتظامیہ کوروزگار کے شعبے میںکی جانے والی کاوشوں اور مرد و خواتین میں خواندگی کے تفاوت کو کم کرنے کے لئے بھی سراہا۔لیفٹیننٹ گورنر نے کہا کہ خواتین کی خواندگی میں اِضافہ جموںوکشمیر یوٹی جموںوکشمیر کی سماجی و اِقتصادی ترقی کو آگے بڑھانے میں اِضافہ ہوگا۔اُنہوں نے کہا کہ نوجوانوں کی اَنٹرپرینیور شپ اور سیلف ہیلپ گروپوں میں ترقی دیکھ کر خوشی ہوئی ہے ۔اُنہوں نے گورنمنٹ ڈگری کالج میں وینچر انکیوبیشن اینڈ کالج ایپلی کیشن لانچ پیڈ سینٹر ( وِی آئی کے اے ایل پی ) کو ضلع کے نوجوانوں کے لئے وقف کرتے ہوئے کہا کہ یہ مرکز ممکنہ کاروباری اَفراد کو آئیڈ یا انکیوبیشن ، کاروبارکی ترقی اور اِختراع کے لئے ایک ساز گار ماحول فراہم کرے گا۔ لیفٹیننٹ گورنر نے کہا کہ مجھے یقین ہے کہ کاروباری سرگرمیوں کے معاشرے پر سودمنداَثرات مرتب ہوں گے ۔اُنہوں نے گاندربل کے لوگوں پر زور دیا کہ وہ اُن عناصر کے بہکاوے میں نہ آئیں جو امن اور ترقی کے عمل میں خلل ڈالنے کی کوشش کر رہے ہیں۔ اُنہوں نے ضلعی اَفسروں اور عوامی نمائندوں پر زور دیا کہ وہ پی ایم وشوکرما اور آیوشمان بھوا جیسی سکیموں کی مؤثر عمل آوری کو یقینی بنائیں۔ اُنہوں نے سماج کے ہر طبقے بالخصوص نوجوانوں سے گاندھی جینتی کی تقریبات میں بڑھ چڑھ کر حصہ لینے کی اپیل کی ۔ لیفٹیننٹ گورنر نے طلباء اور شہریوں کو ان کے متعلقہ شعبوں میں مثالی خدمات انجام دینے پر مُبارک باد دی ۔ اُنہوں نے وہاں موجود مقامی لوگوں سے بھی بات چیت کی اور ان کے مطالبات اور مسائل سُنے ۔ شری امر ناتھ جی یاترا۔ 2023ء اور مشعل گاش پر کافی ٹیبل کتابیں بھی جاری کی گئیں ۔ اِس سے قبل لیفٹیننٹ گورنر نے ڈگری کالج گاندر بل میں 12 کلاس روم اضافی رہائش ، ملٹی پرپز ہال ، جم کم ہیلتھ سینٹر اور وی آئی کے اے ایل پی۔ وینچر انکیوبیشن اینڈ نالج ایپلیکیشن لانچ پیڈ سمیت مختلف پروجیکٹوں کا اِفتتاح کیا ۔ اُنہوں نے جی ڈی سی گاندر بل میں لڑکیوں کیلئے 50 بستروں والے ہوسٹل کا سنگِ بنیاد رکھا اور وی آئی کے اے ایل پی انکیوبیشن پالیسی پر ایک کتابچہ جاری کیا ۔ اُنہوں نے آج جن مختلف پروجیکٹوں کا اِفتتاح کیاجن میں بیہامہ گاندر بل میں بس ٹرمنل کمپلیکس ، کیفے ٹیریا ایم سی گاندر بل ، بیہامہ میں سندھ ویو پوائنٹ اور امرت سروور بیوٹیفکیشن شامل ہیں ۔ اُنہوں نے کلاک ٹاور گاندربل کے آس پاس کے علاقے کی بیوٹیفکیشن کا م کا بھی سنگ بنیاد رکھا۔لیفٹیننٹ گورنر کے ذریعہ 13.50 کروڑ روپے کے جل شکتی محکمہ کے پروجیکٹوں کا اِفتتاح کیا گیا جن میں ایم جی ڈی ڈبلیو ٹی پی گاندر بل ٹاؤن ، گاندر بل ٹاؤن ( مرحلہ دوم ) ، کورگ دراگ پورہ ، گوگچی گنڈ ملک پورہ اور اگ مامر کیلئے پانی کی فراہمی کی سکیمیں شامل ہیں ۔ اِس موقعہ پر چیئرپرسن ڈی ڈی سی گاندربل محترمہ نزہت اشفاق ، چیف سیکرٹری ڈاکٹر ارون کمار مہتا ، لیفٹیننٹ گورنر کے پرنسپل سیکرٹری ڈاکٹر مندیپ کمار بھنڈاری ،صوبائی کمشنر کشمیر وِجے بدھوری ، ضلع ترقیاتی کمشنر گاندربل شیامبیر ، ڈی آئی جی سی کے آر سری نگر سوجیت کمار ، صدر میونسپل گاندربل ایڈ وکیٹ الطاف ، پی آر آئی ممبران اور سینئر اَفسران موجود تھے۔
