چیف ایجوکیشن آفیسر جموں نے2 روزہ تصویری نمائش کا افتتاح کیا
لازوال ڈیسک
جموں؍؍چیف ایجوکیشن آفیسر جموں جگدیپ پادھا نے آج سینٹرل بیورو آف کمیونیکیشن (سی بی سی) وزارت اطلاعات و نشریات، حکومت ہند، فیلڈ آفس جموں/ کٹھوعہ/ سانبہ کے زیر اہتمام مختلف مرکزی اسپانسر شدہ اسکیموں پر 2 روزہ تصویری نمائش کا افتتاح کیا۔واضح رہے ملٹی میڈیا تصویری نمائش سی بی سی کی طرف سے جموں و کشمیر اور لداخ میں منعقد کی جانے والی مختلف آؤٹ ریچ سرگرمیوں کا ایک حصہ ہے۔وہیں دوروزہ تصویری نمائش میں مشن لائف ای، ایک بھارت شریسٹھ بھارت وغیرہ کو دکھایا گیا ہے۔ اس نمائش میں ایک خصوصی سیشن "اگنی ویر سکیم” کے لیے وقف کیا گیا ہے تاکہ علاقے کے نوجوانوں کو فوج کی طرف راغب کیا جا سکے۔
اس موقع پرراجیش شرما انچارج سنٹرل بیورو آف کمیونیکیشن جموںسانبہ کٹھوعہ نے اپنے خطبہ استقبالیہ میں جموں و کشمیر اور لداخ میں سی بی سی کے کام کے ڈھانچے اور کام کا تفصیلی جائزہ لیا۔ انہوں نے حاضرین کو مختلف آؤٹ ریچ سرگرمیوں کے بارے میں بھی بتایا جو اس تقریب کے دوران منعقد کی جائیں گی۔شرما نے کہا کہ ان پروگراموں کا اہتمام حکومت کی مختلف عوامی فلاحی اسکیموں کے مختلف فوائد سے متعلق معلومات کو پھیلانے کے مقصد سے کیا جا رہا ہے۔
وہیں سورج سنگھ ڈی ڈی سی چیئرمین جموں نے عوام پر زور دیا کہ وہ مرکزی اسپانسر شدہ اسکیموں کا زیادہ سے زیادہ فائدہ اٹھائیں تاکہ ترقی یافتہ ہندوستان کا خواب پورا ہوسکے۔ آن لائن سسٹم کے حوالے سے انہوں نے حقیقی زندگی کی بہت سی مثالیں پیش کیں تاکہ یہ ثابت کیا جا سکے کہ کس طرح خدمات عام لوگوں کو ان کے دروازے پر موصول ہوتی ہیں۔اس موقع پراپنے خطاب میں جگدیپ پادھا نے نمائش کے انعقاد میں سینٹرل بیورو آف کمیونیکیشن جے اینڈ کے کی کوششوں کی تعریف کی اور لوگوں پر زور دیا کہ وہ اس مقام کا دورہ کریں جو دو دن تک عوام کے لیے کھلا رہے گا۔ انہوں نے کہا کہ ان اختراعی اقدامات کے ذریعے، ثقافتی روایت اور مختلف ریاستوں اور مرکز کے زیر انتظام علاقوں کی روایات کا علم ریاستوں کے درمیان افہام و تفہیم اور بندھن کو بڑھانے کا باعث بنے گا، اس طرح ہندوستان کے اتحاد اور سالمیت کو تقویت ملے گی۔
اس دوران ہندوستانی فوج کے کرنل انیل ابرام نے نوجوانوں کو اگنیور اسکیم کا زیادہ سے زیادہ فائدہ اٹھانے کی ترغیب دی۔ انہوں نے لیفٹیننٹ کرنل ایس کے جینا کے ساتھ علاقے میں بھارتی فوج کی طرف سے چلائے جانے والے فلاحی پروگراموں کے بارے میں تفصیلات پیش کیں۔
