اسکول بھون میں انٹر اسکول زونل سطح کے مقابلے کا انعقاد کیا
لازوال ڈیسک
جموں// ڈی وائی ایس ایس اوکٹھو عہ سنیل سنگھ سمبیال کی نگرانی اور ہدایت میں آج یہاں جی ایم ایچ ایس ایس بسوہلی میں انٹر اسکول زونل سطح کا ٹورنمنٹ پرنسپل جی ایم ایچ ایس ایس بسوہلی للت کمار شرما اور ایس ایچ تارا سنگھ انچارج زیڈ پی ای او کی صدارت میں منعقد ہوا۔وہیں ،بلاک بھونڈ ٹورنمنٹ کے دوسرے دن ہائر سیکنڈری اسکول بھونڈ کے پرنسپل منوج کمار آنند نے کھلاڑیوں سے خطاب کرتے ہوئے کہا کہ وہ منشیات سے دور رہیں۔وہیں جسمانی تعلیم کے عملے کے ساتھ ساتھ اس تقریب میں شریک نوجوانوں کی صلاحیتوں اور مسابقتی جذبے کا مظاہرہ کیا گیا۔ واضح رہے یہ مقابلہ مختلف شعبوں میں منعقد کیا گیا ہے ۔جس میں کل 593 کھلاڑی حصہ لے رہے ہیں۔
