اس اقدام کا مقصد سائنس، تحقیق اور ٹکنالوجی کے لیے جذبہ پیدا کرنا ہیے :ڈی سی کٹھوعہ
حفیظ قریشی
کٹھوعہ //ضلع انتظامیہ کٹھوعہ نے آج ضلع لائبریری میں طلباء کے لیے چندریان-3 کی لینڈنگ کی خصوصی اسکریننگ کی میزبانی کی۔اس تقریب کا مقصد سائنسی تجسس کو فروغ دینا اور ضلع کے نوجوان ذہنوں کو متاثر کرنا تھا۔ ڈسٹرکٹ ڈیولپمنٹ کمشنر، راکیش منہاس، نے اپنی موجودگی کے ساتھ اس موقع کو خوش آمدید کہا اور قیمتی بصیرت کا اشتراک کیا۔وہیںاجتماع سے خطاب کرتے ہوئے انہوں نے خلائی تحقیق اور اختراع کی اہمیت پر زور دیا۔ انہوں نے اس بات پر روشنی ڈالی کہ اس طرح کے اقدامات نہ صرف تجسس کو بھڑکاتے ہیں بلکہ طلباء کو بڑے خواب دیکھنے اور سائنس اور ٹیکنالوجی میں کیریئر بنانے کی ترغیب دیتے ہیں۔ انہوں نے اس بات پر زور دیا کہ چندریان -3 کی کامیاب لینڈنگ ایک یادگار سنگ میل ہے اور یہ کامیابی فخر اور اتحاد کے گہرے احساس کو فروغ دے گی کیونکہ قوم اجتماعی طور پر ہندوستانی سائنس اور ٹیکنالوجی کا جشن مناتی ہے۔ڈی سی نے یہ بھی کہا کہ چندریان 3 کی یہ تاریخی کامیابی سائنسی تحقیقات اور اختراع کے ماحول کو فروغ دینے میں اہم رول ادا کرے گی۔ انہوں نے اس بات پر زور دیا کہ اس طرح کی کوششیں تلاش کے جذبے کو پروان چڑھانے اور ملک کے سائنسی منظر نامے کی ترقی میں کردار ادا کرنے کے لیے ضروری ہیں۔جبکہ اس اقدام کا مقصد سائنس، تحقیق اور ٹکنالوجی کے لیے جذبہ پیدا کرنا ہے، جس سے اگلی نسل کے لیے راہ ہموار ہو گی۔ اس تقریب کو تمام شرکاء کی طرف سے زبردست ردعمل ملا جو ملک بھر میں برقی ماحول کے درمیان اس لمحے کا انتظار کر رہے تھے
