- ایسی بیمارذہنیت کاسماجی بائیکاٹ لازمی:بابو سنگھ
لازوال ڈیسک
جموں؍؍نیچر مین کائنڈ فرینڈلی گلوبل پارٹی کے سرپرست وسابق وزیر بابوسنگھ نے نائب وزیر اعلیٰ کویندر گپتاکے اس بیان کی شدید مذمت کی ہے جس میں انہوں نے کہا ہے کے کٹھوعہ معاملہ ایک چھو ٹی سی بات ہے اس پر زیادہ دھیان نہیں دینا چاہئے ۔بابو سنگھ نے اپنے ایک فیس بک پوسٹ میں کہاکہ یہ بیان نہایت ہی ناقابل برداشت ہے اور ہمارے سیاسی رہنما ئوں کی غلط فہمی اوربد دماغی ہے جو ایسے بیان دیتے ہیں ۔کیونکہ ایک معصوم بچی کی پہلے عصمت دری اور پھر اس کا قتل کیا جاتا ہے اور ہمارے سیاسی رہنما اس کو چھوٹی سی بات قرار دیتے ہیں ۔اگر وہ معصوم بچی نائب وزیر اعلیٰ کویندر گپتا کی ہوتی اور پھر اس کے ساتھ ایسا ہوتا تو کیا ان کا ایسا ہی بیان ہوتا کہ یہ چھوٹی سے بات ہے ۔ان کے اس بیان پر ہر ایک شخص نے ان سے بائیکاٹ کرنے کا فیصلہ لیا ہے اور انہیں چاہئے کے انہیں اس غلطی کا احساس ہواور وہ ایسی غلطی کرنے سے باز آئیں جوبیان انہوں نے بے ہوش و ہواس طریقے سے دیا ہے اس غلطی کا انہیں احساس ہونا چاہئے۔واضح رہے سابق وزیر بابو سنگھ جو نیچر مین کائنڈ گلوبل پاڑی کے بانی ہیں۔
