مستقبل کے چیلنجوں کے ساتھ ہم آہنگی میں پیدل فوج کی صلاحیت کو مزید بڑھانے کے لیے ضروری فیصلے کیے گئے
یواین آئی
نئی دہلی؍؍ملک کے 37ویں انفنٹری کمانڈرز کی کانفرنس کا 14 اور 15 نومبر 2023 کو انفنٹری اسکول، مہو میں کامیاب انعقاد ہوا۔ آرمی چیف(سی او اے ایس) جنرل منوج پانڈے نے اس دو روزہ کانفرنس کی صدارت کی۔کانفرنس میں آپریشنز، تربیت، صلاحیت سازی اور ٹیکنالوجی کے انفیوڑن میں انفنٹری سے متعلق موجودہ اور مستقبل کے مسائل کے امور پر تفصیلی پر تبادلہ خیال کیا گیا۔ روایتی جنگی منظر نامے اور انسداد شورش اور انسداد دہشت گردی کی کارروائیوں میں انفنٹری کی صلاحیتوں کا جائزہ لیتے ہوئے، مستقبل کے چیلنجوں کے ساتھ ہم آہنگی میں پیدل فوج کی صلاحیت کو مزید بڑھانے کے لیے ضروری فیصلے کیے گئے۔کانفرنس کے دوران انفنٹری نے ڈسپلن ، نقل و حرکت، میدان جنگ میں شفافیت، حالات سے متعلق آگاہی اور بقا ء کے مختلف میدانوں میں اپنے تازہ ترین حصول کی نمائش کی۔ حال ہی میں حاصل کیے گئے جدید ہتھیاروں اور آلات کے نظام کی نمایش نے مخالفین کا مقابلہ کرنے کے لیے پیادہ فوج کی ابھرتی ہوئی صلاحیتوں میں اعتماد پیدا کیا ہے۔کانفرنس کا انعقاد ہائبرڈ موڈ میں کیا گیا اور اس میں وائس چیف آف آرمی اسٹاف،6 جنرل آفیسرز کمانڈنگ ان چیف، لیفٹیننٹ جنرلز کے درجہ کے 17 افسران اور انفنٹری رجمنٹ کے کرنل کے علاوہ میجر جنرلزعہدے کے 14 افسران اور رجمنٹل سینٹر کمانڈنٹ نیشرکت کی جب کہ بہت سے شرکاء بذات خود پر مہو میں موجود تھے۔ جبکہ دیگر افسران نے ملک بھر کے بڑے فوجی اسٹیشنوں سے آن لائن موڈ میں کانفرنس میں شرکت کی۔سی او اے ایس نے انفنٹری کو مستقبل کے لیے ایک مضبوط قوت میں تبدیل کرنے کے لیے جدید ترین ٹیکنالوجی کو اپنانے کے لیے ہر سطح پر کی جانے والی پہل اور ٹھوس کوششوں کے لیے شرکائ کی تعریف کی۔ اس فورم نے انفنٹری کے جذبے کو پروان چڑھایا اور رجمنٹل لائنوں میں بڑے پیادہ فوجیوں کے درمیان باہمی تعلقات کو مزید مضبوط کیاہے۔
