لازوال ڈیسک
کشتواڑ؍؍پلاسٹک کی آلودگی سے نمٹنے اور ماحولیاتی استحکام کو فروغ دینے کی کوشش میں، ہندوستانی فوج نے کشتواڑ ضلع (جموں و کشمیر) کے گاؤں مغل میدان میں پلاسٹک کے استعمال نہ کرنے کے بارے میں آگاہی مہم کا انعقاد کیا۔اس اقدام کا مقصد ہمارے سیارے پر پلاسٹک کے فضلے کے مضر اثرات کے بارے میں بیداری پیدا کرنا اور افراد کے ساتھ ساتھ کمیونٹیز کو پلاسٹک کے استعمال کو کم کرنے کی ترغیب دینا ہے۔واضح رہے پلاسٹک کی آلودگی ایک اہم عالمی مسئلہ ہے، جس کے سمندروں، جنگلی حیات اور ماحولیاتی نظام پر تباہ کن اثرات مرتب ہوتے ہیں۔ مطالعات سے یہ بات سامنے آئی ہے کہ ہر سال تقریباً 80 لاکھ میٹرک ٹن پلاسٹک سمندروں میں داخل ہوتا ہے، جو سمندری حیات اور انسانی صحت کے لیے سنگین خطرہ ہے۔وہیںپلاسٹک کے استعمال نہ کرنے کے بارے میں آگاہی مہم کا مقصد ذمہ دار پلاسٹک کے استعمال کی حوصلہ افزائی اور ماحول دوست متبادل کی وکالت کرتے ہوئے اس بحران سے نمٹنے کے لیے ہے۔ دریں اثناء مغل میدان گاؤں اور قریبی علاقوں کے 30 نوجوانوں نے مہم میں بڑھ چڑھ کر حصہ لیا۔
