عوام کو بیدار کرنے کیلئے ریلی بھی نکالی گئی
عمران شاہ
کشتواڑ کشتواڑ میں ARTOکی زیر نگرانی روڈ سیفٹی پروگرام کا انعقاد کیا گیا جس میں ٹریفک پولیس نے روڈ سیفٹی اور ٹریفک قوانین کے متعلق ضلع کشتواڑ میں خصوصی آگاہی مہم کا آغاز کیا ۔واضح رہے روڈ سیفٹی مہم کا مقصد شہریوں کو ٹریفک قوانین سے آگاہ کرنا ہے۔اس موقع پر انچارج ٹریفک پولیس ، ایس ایس پی کشتواڑ ، ڈپٹی کمشنر کشتواڑا ور ARTO کشتواڑ نے اپنے خیالا ت کا اظہار کیا ۔ریلی میں عوام کو روڈ سیفٹی اور ٹریفک قوانین کے متعلق آگاہی فراہم کرنے کے ساتھ ساتھ موٹرسائیکل ڈرائیوروں کو قانون کے دائرے میں چلنے کی ہدایت جاری کی گئی ۔اس کے ساتھ ساتھ موٹر سائیکل ڈرائیوروںکو ہیلمٹ پہننے سمیت دیگر حفاظتی اقدامات سے آگاہ کیاگیا اور عوام سے کہا کہ ڈرائیور کے شراب پی کر گاڑی چلانے کے سلسلہ میں پولیس سے رابطہ کریں تاکہ کسی بھی جانی نقصان ہونے سے بچا جاسکے۔ اس کے ساتھ ساتھ اورلوڈنگ کرنے والے ڈرائیوروں کو چالان کرنے کے ساتھ ان کے لائیسنس کو رد کرنے کا بھی جانکاری دی گئی۔اس موقع پر ضلع کے تمام طلاب نے بس اسٹینڈ کشتواڑ سے لیکر ڈی سی کمپلیکس کشتواڑتک ایک ریلی نکالی۔
