ڈاکٹر فاروق عبداللہ اور وزیر اعلیٰ عمر عبداللہ کی جانب سے قتل کی شدید مذمت
بابر فاروق
کشتواڑ؍؍جموں و کشمیر کے ضلع کشتواڑ میں دہشت گردوں کے ہاتھوں دو ولیج ڈیفنس گارڈز (VDGs) کے قتل کی اطلاع ملی ہے۔ سرکاری ذرائع نے بتایا کہ دہشت گردوں کے حملے میں دو VDGs، جن کی شناخت نذیر احمد (فرزند محمد خلیل) اور کلدیپ کمار (فرزند امر چند) کے نام سے ہوئی ہے، جان کی بازی ہار گئے۔ دونوں کا تعلق اوہلی، کنٹوارہ سے تھا۔
https://en.wikipedia.org/wiki/Village_Defence_Guards
اہلکار کے مطابق دونوں افراد معمول کے مطابق مویشیوں کو چرانے کے لیے منزلا دھار (اڈھوری) جاتے تھے، مگر آج واپس نہیں آئے۔ ذرائع کے مطابق ان کی لاشیں ابھی تک برآمد نہیں ہو سکیں اور سیکیورٹی فورسز نے ایک بڑے پیمانے پر سرچ آپریشن شروع کر دیا ہے۔
یہ تازہ حملہ ایسے وقت میں ہوا ہے جب جموں و کشمیر میں غیر مقامی کارکنوں پر حملوں اور مقابلوں میں اضافہ دیکھا جا رہا ہے۔اس دوران نیشنل کانفرنس کے صدر ڈاکٹر فاروق عبداللہ اور نائب صدر و وزیر اعلیٰ عمر عبداللہ نے کشتواڑ میں دو VDGs کے بہیمانہ قتل کی مذمت کی ہے۔ ان رہنماؤں نے کہا کہ اس قسم کے وحشیانہ حملے جموں و کشمیر میں پائیدار امن کے قیام میں ایک بڑی رکاوٹ ہیں۔ "غم کی اس گھڑی میں ہماری دعائیں اور ہمدردیاں متاثرہ خاندانوں کے ساتھ ہیں،” نیشنل کانفرنس نے سوشل میڈیا پر ایک پیغام میں کہا۔
