ماضی کی کامیابیوں پر تبادلہ خیال کیا،کہامستقبل میں بھی ہم جموں و کشمیر کے کاز کے لیے مشترکہ جدوجہد کریں گے
لازوال ڈیسک
جموں؍؍کرن سنگھ وزیر، چیئرمین، آل جموں و کشمیر ٹرانسپورٹ ویلفیئر ایسوسی ایشن نے آج چیمبر ہاؤس کا دورہ کیا۔اس موقع پرصدر چیمبر آف کامرس اینڈ انڈسٹری نے اپنے عہدیداروں کی ٹیم کے ساتھ ان کا استقبال کیا اور انہیں آل جموں و کشمیر ٹرانسپورٹ ویلفیئر ایسوسی ایشن کا چارج سنبھالنے پر مبارکباد دی۔وہیں ارون گپتا نے اس موقع پر بات کرتے ہوئے کہا کہ جب بھی چیمبر آف کامرس اینڈ انڈسٹری، جموں و کشمیر ہائی کورٹ بار ایسوسی ایشن اور ٹرانسپورٹ ایسوسی ایشن جیسے منتخب ادارے اکٹھے ہوتے ہیں تو وہ حکومت کو تجارت، صنعت، ٹرانسپورٹ اور بار سے متعلق مسائل کو پورا کرنے اور حل کرنے کے حوالے سے سخت پیغام دیتے ہیں۔ انہوں نے کہا کہ اس سے قبل جب بھی جموں کے لوگوں کے مفادات کے تحفظ کے لیے کوئی مسئلہ آیا ہم نے جموں کے مقصد کے لیے مشترکہ طور پر جنگ لڑی، مثال کے طور پر 1989 میں دربار موو کا مسئلہ، 2008 میں امرناتھ یاترا کا مسئلہ، جموں اور سنٹرل یونیورسٹی ، ایمس سے متعلق مسئلہ ہو،متحدہ جنگ لڑی ہے اور جموں میں ہم ان مسائل کو حل کرنے میں کامیاب ہوئے ہیں۔
https://www.jammuchamber.org/
کرن سنگھ وزیر چیئرمین آل ٹرانسپورٹ ویلفیئر ایسوسی ایشن نے بات کرتے ہوئے یقین دلایا کہ مستقبل میں بھی ہم جموں و کشمیر کے کاز کے لیے مشترکہ جدوجہد کریں گے۔ انہوں نے مزید کہا کہ میرے والد آنجہانی ٹی ایس وزیر نے ہمیشہ سی سی آئی، ٹرانسپورٹ یونین، جے اینڈ کے ہائی کورٹ بار ایسوسی ایشن اور دیگر تنظیموں کے ساتھ مل کر کام کیا۔انہوںنے کہاکہ ہم اسی طرز عمل کو بحال کریں گے اور چیمبر آف کامرس اینڈ انڈسٹری کی طرف سے اٹھائے گئے مسائل، تجارت، ٹرانسپورٹ، سیاحت، صنعت سے متعلق مسائل، جموں و کشمیر ہائی کورٹ بار ایسوسی ایشن کے مسائل اور خاص طور پر جموں کی ترقی سے متعلق مسائل کو حل کرنے میں کوئی کسر نہیں چھوڑیں گے۔
یاد رہے اجلاس میں شریک ہونے والوں میں انیل گپتا، سینئر نائب صدر،راجیو گپتا، جونیئر نائب صدر، منیش گپتا، سکریٹری جنرل،راجیش گپتا سکریٹری، راجیش گپتا، خزانچی،راکیش گپتا، نریش گپتا،کمل رندھاوا، منموہن سنگھ، گیان سنگھ، جگل گنڈوترا،سباش گپتا، جگدیش لینگر و دیگران شامل ہیں۔
