بی جے پی کے سمارٹ میٹرکی رفتار بلٹ ٹرین سے زیادہ،لوگوں کی پریشانیوں میں اضافہ : بھلا
لازوال ڈیسک
جموں؍؍ جے کے پی سی سی کے کارگزار صدر رمن بھلا نے آج انتظامیہ سے کہا کہ وہ سمارٹ میٹروں کی تنصیب کے اپنے فیصلے پر نظرثانی کرے اور اس فیصلے کو روک دیا جائے۔ انہوں نے کہا کہ انتظامیہ کو اعلیٰ محکمہ جاتی افسران، منتخب نمائندوں، مختلف محکموں کے سربراہان کو اس فیصلے پر نظرثانی کرنی چاہیے۔انہوں نے کہاکہسماجی اور سیاسی تنظیمیں بجلی کے صارفین کی امنگوں کو پورا کرنے کے لیے ایک دوستانہ طریقہ تلاش کرنے کے لیے موجود ہیں۔ واضح رہے یہ بات بھلا نے سابق وزیر اور انچارج ضلع جموں اربن یوگیش ساہنی، جنرل سکریٹری جے کے پی سی سی منموہن سنگھ کے ہمراہ سروال وارڈنمبر18 مغربی حلقہ میں سمارٹ میٹر لگانے کے خلاف ایک بڑے احتجاج کی قیادت کرتے ہوئے کہی۔ اس احتجاج کا اہتمام جے کے پی سی سی کی جنرل سکریٹری کانتا بھان نے کیا تھا اور اس میں نمایاں طور کافی لوگوں نے شرکت کی ۔وہیں مطاہرین نے پلے کارڈز اٹھائے ہوئے حکومت کے خلاف نعرے لگائے اور سمارٹ میٹر لگانے کے خلاف اپنی ناراضگی کا اظہار کرنے کے لیے کافی دیر تک سڑک کو بلاک بھی کیا۔ اس موقع پر بات کرتے ہوئے بھلا نے کہا کہ کانگریس نے جموں و کشمیر کے لوگوں کے حقوق اور خواہشات کی مسلسل حمایت کی ہے۔ یہ احتجاج شہریوں کے مفادات کے تحفظ اور عوامی فلاح و بہبود سے متعلق فیصلوں کی وکالت کرنے کے لیے پارٹی کے عزم کے مضبوط مظاہرے کے طور پر کام کرتا ہے۔ انہوں نے ایل جی حکومت پر حملہ کرتے ہوئے کہا کہ بلٹ ٹرین سے زیادہ تیز چلنے والے سمارٹ میٹر عوام کے لیے پریشانی کا باعث بن گئے ہیں۔
