بی جے پی لیڈر نے چیف سیکریٹری سے منظر نامے کا جائزہ لینے کیلئے کہا
لازوال ڈیسک
جموں؍؍کئی وفود نے منگل کو سینئر بی جے پی لیڈر اور ممبر پارلیمنٹ (راجیہ سبھا) غلام علی کھٹانہ سے ملاقات کی اور ان کے مسائل پر تبادلہ خیال کیا۔وہیہںوفود کی طرف سے اٹھایا جانے والا اہم مطالبہ پورے جموں صوبے کے علاقے میں پانی اور بجلی کی ناقص فراہمی سے متعلق تھا۔اس دوران ڈیپوٹیشن ممبران نے کہا کہ جموں میں گرمی کے اس شدید گرمی کے دنوں میں بجلی کی طویل کٹوتی ہے اور پانی کی ناقص فراہمی سے عوام کی مشکلات میں مزید اضافہ ہوتا ہے۔ان کا کہنا تھا کہ ناقص پانی کی وجہ سے انسانوں کے ساتھ ساتھ مویشی بھی بری طرح متاثر ہو رہے ہیں۔وہیںقبائلیوں کے ایک وفد نے کھٹانہ کو بتایا کہ پانی کے روایتی ذرائع جیسے تالاب سوکھ چکے ہیں اور مویشیوں کے مالکان خاص طور پر قبائلی اور کنڈی پٹی کے رہائشیوں کو اپنے مویشیوں کو لمبی دوری پر لے جانا پڑتا ہے یا ان کے لیے دور دراز مقامات سے پانی جمع کرنا پڑتا ہے۔
ایک اور وفد کے ارکان نے کہا کہ بجلی کی طویل بندش نے خاص طور پر بوڑھے لوگوں، بیماروں کے لیے بہت مسائل پیدا کیے ہیں اور اس سے بچوں کی تعلیم بھی بری طرح متاثر ہوئی ہے۔وہیںوفود کو تحمل کے ساتھ سننے کے بعد رکن پارلیمان کھٹانہ نے کہا کہ لوگوں کو اس شدید گرمی کے دنوں میں پانی کا صحیح استعمال کرنا چاہیے۔بی جے پی لیڈر نے جموں و کشمیر کے چیف سکریٹری (سی ایس) سے کہا کہ وہ متعلقہ محکموں کے سربراہوں کے ساتھ پانی اور بجلی کی ناقص فراہمی کی صورتحال کا جائزہ لیں اور جلد ہی کوئی موثر حل نکالیں۔کھٹانہ نے جل شکتی ڈپارٹمنٹ کے سربراہ سے کہاکہ اس بات کو یقینی بنائیں کہ پانی کی اوور فلو، پائپ لیکیج یا کسی اور قسم کا پانی ضائع نہ ہو۔انہوں نے محکمہ جل شکتی اور محکمہ بجلی کے سربراہوں کو ہدایت دی کہ وہ کوششیں کریں تاکہ عوامی مشکلات کو صفر تک لایا جا سکے۔
