لازوال ڈیسک
کشتواڑ؍؍ڈسٹرکٹ رینٹ اسسمنٹ کمیٹی، جس کی آج یہاں ڈپٹی کمشنر، ڈاکٹر دیونش یادو کی صدارت میں میٹنگ ہوئی، نے 12 کرایہ کے معاملات کو منظوری دی۔پولیس، آرمی، ہائر ایجوکیشن، یوتھ سروسز اینڈ اسپورٹس، ایف سی ایس اینڈ سی اے، ایجوکیشن، آئی سی ڈی ایس، سوشل ویلفیئر، آئی ایس ایم، آئی ٹی آئی پدر، آر ڈی ڈی کے علاوہ محکمہ صحت سے متعلق کرائے کے معاملات کو کمیٹی نے منظوری دی۔کمیٹی نے مختلف ڈھانچوں کے کرایہ کے تعین پر تبادلہ خیال کیا جس میں ضلع بھر میں مختلف سرکاری دفاتر کام کر رہے ہیں۔میٹنگ میں ایس ایس پی کشتواڑ خلیل احمد پوسوال (کے پی ایس)، اے سی آر ورونجیت سنگھ چرک، اے سی پی ذاکر وانی، ضلع سماجی بہبود افسر، زبیر احمد، AD FSC&CA ; سی ڈی پی او/ڈی آئی او ڈاکٹر کلدیپ کمار کے علاوہ متعلقہ ضلعی افسران، بی ڈی اوز اور فوج کے نمائندے دیگر نے شرکت کی۔ میٹنگ سے خطاب کرتے ہوئے ڈپٹی کمشنر نے افسران سے کہا کہ وہ زمینوں اور تعمیرات کے متعلقہ مالکان کو بروقت کرایہ ادا کریں اور سرکاری/کرائے پر دی گئی جائیداد کی حفاظت کو یقینی بنائیں۔اجلاس میں 9کیسز کو تصدیق کے بعد موخر کر دیا گیا اور متعلقہ افسران کو ہدایت کی گئی کہ وہ زیر التواء کیسز کی دوبارہ تصدیق کر کے آئندہ اجلاس میں پیش کریں۔
