لوگوں سے ڈوڈہ کوسوچ اور سندر بنانے کے لیے ضلع انتظامیہ سے ہاتھ ملانے کی اپیل
لازوال ڈیسک
ڈوڈہ؍؍ڈور ٹو ڈور کچرے کو جمع کرنے کی پہل کا آج ڈپٹی کمشنر ڈوڈہ ویشیش مہاجن نے بلاک ڈالی-ادھیان پور سے آغاز کیا۔ اسسٹنٹ کمشنر ڈویلپمنٹ، پھولیل سنگھ؛ اسسٹنٹ کمشنر پنچایت، اشفاق خانجی؛ لانچنگ تقریب میں ڈی پی او سورج پرکاش اور مقامی یاسر وانی کے علاوہ پی آر آئیز اور بلاک کے لوگوں نے بھی شرکت کی۔ لوگوں نے انتظامیہ کی طرف سے بلاک کو صاف کرنے اور گھر گھر جا کر کچرے کو جمع کرنے کے لیے اٹھائے گئے اقدامات/کاوشوں اور اس سلسلے میں اٹھائے گئے دیگر اقدامات پر اطمینان کا اظہار کیا۔بتایا گیا کہ ڈور ٹو ڈور کچرا جمع کرنے کا کام ہفتے میں دو بار کیا جائے گا اور لوگوں نے دلی-ادھیان پور کے پورے بلاک کو صاف ستھرا اور او ڈی ایف پلس بنانے کے لیے انتظامیہ کے ساتھ تعاون کرنے کا عہد کیا۔سوچھ بھارت ابھیان کا مقصد صفائی کو سب کے لیے عادت بنانا ہے جبکہ فضلہ جمع کرنے اور اس کے مناسب ٹھکانے کے لیے سپورٹ سسٹم اور انفراسٹرکچر دستیاب کرنا ہے۔ڈی سی نے منظور شدہ ضلع سوچھتا پلان کے مطابق مختلف قسم کے کچرے کو گھر گھر جمع کرنے اور آئی ای سی کی سرگرمیوں کا آغاز کیا۔ ایک خاص مقصد والی گاڑی، "سوچھتا ایکسپریس” کو پنچایت دھر-بی، ڈالی-ادھیان پور بلاک کے پنڈہ گاؤں سے ہری جھنڈی دکھا کر روانہ کیا گیا، جو بلاک کے ہر وارڈ سے کچرا جمع کرے گی اور مقامی لوگوں میں صفائی اور ماحولیاتی حفاظت کی اہمیت کے بارے میں آگاہ کرے گی۔ ODF پلس کا درجہ حاصل کرنے کے لیے ضلع میں مختلف IEC سرگرمیاں انجام دینے کا منصوبہ بنایا گیا ہے۔ پروگرام کے دوران ڈسٹ بن تقسیم کیے گئے، جو ڈالی ادھیان پور بلاک کے تمام 63 وارڈوں میں رکھے جائیں گے۔ڈی سی نے متعلقہ افسران کو ہدایت کی کہ وہ سوچھتا کے پیغام کو عام کرنے کے لیے مسلسل کوششیں کریں اور گھر گھر جاکر الگ الگ کچرے کو جمع کرنے اور اس کی مناسب تلفی کو یقینی بنائیں جو کہ ضلع کے لیے مطلوبہ سوچھتا پلس اسٹیٹس کے حصول کے لیے بہت ضروری ہے۔ انہوں نے مزید مقامی لوگوں اور پی آر آئیز پر زور دیا کہ وہ بلاک سوچھ اور سندر بنانے کے لیے انتظامیہ کے ساتھ مل کر کام کریں۔ قدرت نے اس ضلع کو اس کی خوبصورتی، ماحول، پاکیزگی، سکون اور پائیداری سے نوازا ہے، ہم پر ذمہ داری عائد ہوتی ہے کہ ہم اپنے مستقبل کے وجود کے لیے اس کی حفاظت اور تحفظ کریں۔
