اسسٹنٹ کمشنر ریونیو عمران کٹاریہ اور دیگر افسران کے ہمراہ ایک میٹنگ میں محکمہ ریونیو کے کام کاج کا مکمل جائزہ لیا
لازوال ڈیسک
راجوری؍؍ڈپٹی کمشنر راجوری، وکاس کنڈل نے آج یہاں اسسٹنٹ کمشنر ریونیو عمران کٹاریہ اور دیگر افسران کے ہمراہ ایک میٹنگ میں محکمہ ریونیو کے کام کاج کا مکمل جائزہ لیا۔آن لائن خدمات کے نفاذ، گیر ممکن کھڈکی وضاحت کی پیشرفت، اسٹیٹ/کامن/کاہچرائی /روشنی اراضی کی فزیکل بے دخلی، ریونیو کورٹ کیسز کی تفصیلات، زیر التوا میوٹیشنز کی تصدیق، زمین کے ریکارڈ کی ڈیجیٹلائزیشن، کیڈسٹرل نقشوں میں پیشرفت اور لینڈ پاس بک کے تحت پیش رفت اور زمین کے حصول کے زیر التواء مقدمات اور دیگر دفاعی اراضی کے مسائل اورڈسٹرکٹ کیپیکس کے تحت فنڈز کے استعمال کے حوالے سے ایک جامع بات چیت ہوئی۔ ڈی سی نے ریونیو افسران کو ہدایت کی کہ وہ دفتر میں عوام کے لیے دستیاب اور قابل رسائی رہیں، خاص طور پر سردیوں کے مہینوں میں اور بائیو میٹرک/آدھار پر مبنی دفتر میں حاضری کو لازمی قرار دیا۔ انہوں نے اس بات پر زور دیا کہ عوامی خدمات اور شکایات کا ازالہ محکمے کی اولین ترجیح ہونی چاہیے، اور افسران کو ہدایت کی کہ وہ مختلف پورٹلز پر تعینات تمام زیر التواء شکایات کو جلد از جلد حل کریں۔ڈی سی نے محکمہ کی کارکردگی اور ریونیو کیسز نمٹانے میں ہونے والی پیش رفت پر اطمینان کا اظہار کیا۔ انہوں نے متعلقہ افسران کو ہدایت کی کہ تمام زیر التوا مقدمات کو جلد نمٹایا جائے۔ انہوں نے تمام افسران کو مزید ہدایت کی کہ وہ اس بات کو یقینی بنائیں کہ آن لائن خدمات جیسے کہ فرد، ڈومیسائل سرٹیفکیٹ، آمدنی اور کیٹیگری سرٹیفکیٹ کے اجراء کے حوالے سے کوئی التوا نہیں ہے۔ڈی سی نے تحصیلداروں کو ہدایت کی کہ وہ اپنی اپنی تحصیلوں میں لمبردار اور چوکیداروں کی باقاعدہ میٹنگیں بلائیں۔
