سیرہ میں ماڈل پنچایت گھر کا افتتاح، عوامی مسائل سنے
لازوال ڈیسک
ادھم پور؍؍مختلف علاقوں میں جاری ترقیاتی کاموں اور میگا پروجیکٹوں کا جائزہ لینے کے لیے، ڈپٹی کمشنر، ادھم پور کریتکا جیوتسنا نے آج پٹن گڑھ، بندھولے کے دور دراز علاقوں کا وسیع دورہ کیا۔ انہوں نے وہاں پی ایم جی ایس وائی سیکٹر کے تحت سڑکوں اور پلوں کے جاری تعمیراتی کام کا معائنہ کیا۔راستے میں، ڈی سی نے پی آر آئی ممبران، افسران اور مقامی لوگوں کی موجودگی میں سیرا موڑ میں ماڈل پنچایت گھر کا بھی افتتاح کیا۔ڈی سی نے پنچایت گھر حاصل کرنے پر لوگوں کو مبارکباد دی اور کہا کہ یہ لوگوں کے ترقیاتی مسائل کو بہتر طریقے سے حل کرنے میں فائدہ مند ثابت ہوگا۔یہ کہتے ہوئے کہ سڑک سے رابطہ کسی علاقے کی ترقی کی کلید ہے، انہوں نے کہا کہ ایک بار جب علاقے میں اچھی سڑکیں ہوں تو یہ خود بخود علاقے کی معیشت کو فروغ دیتا ہے۔دورے کے دوران، ڈی سی نے PMGSY کے تحت گھڑیاں دھناس اور نگلٹا روڈ کا معائنہ کیا اور متعلقہ محکمے کو کام کی رفتار کو تیز کرنے اور بروقت تکمیل کو یقینی بنانے کی ہدایت دی۔بعد ازاں، ڈی سی نے ضلع ادھم پور کے منتلائی میں زیر تعمیر بین الاقوامی یوگا سنٹر کی پیش رفت کا بھی جائزہ لیا۔ایگزیکیوٹنگ ایجنسیوں کو ہدایت کی گئی کہ وہ باوقار منصوبے پر کام کی رفتار کو تیز کریں اور اس کی مقررہ مدت میں تکمیل کو یقینی بنائیں۔
