موجودہ بنیادی تنخواہ پر 10فیصد اضافہ اور 7.5فیصد ڈی اے کی ادائیگی پہلی جولائی 2022 سے بڑھی ہوئی بنیادی تنخواہ پر کی جائے گی
لازوال ڈیسک
جموں آج ایس رنجیت سنگھ صدر ڈی جی پی سی نے بلویندر سنگھ نائب صدر، ایس سرجیت سنگھ جنرل سکریٹری، ایس جگپال سنگھ خزانچی، ایس رنویر سنگھ جوائنٹ سکریٹری، ایس گرمیت سنگھ اور ایس ہرجیت سنگھ (دونوں انچارج) ذرائع ابلاغ سے بات کرتے ہوئے ایک بیان میںبتایا کہ ڈی جی پی سی کے انتخابات میں مقابلہ کرنے والے تقریباً تمام امیدواروں نے سنگت کے ساتھ کچھ وعدے کیے جہاںسکھ سنگت کے انتہائی مطلوبہ مطالبے اور ڈی جی پی سی کی جانب سے کیے گئے وعدے پر عمل درآمد کے علاوہ پہلے ہی چھٹے گرو ہرگوبند صاحب کا گروپورب نانک شاہی کیلنڈر کے طور پر منایا جا چکا ہے اوراب تمام ممبران کی طرف سے دوسرا سب سے عام وعدہ ڈی جی پی سی ملازمین کی تنخواہوں میں اضافہ تھا۔ آج ڈی جی پی سی نے تمام ملازمین کی تنخواہ میں مطلوبہ اضافہ کا اعلان کیا ہے جو کہ موجودہ بنیادی تنخواہ پر 10فیصد اضافے کے ساتھ ہوگا اور 7.5فیصد ڈی اے کی ادائیگی پہلی جولائی 2022 سے بڑھی ہوئی بنیادی تنخواہ پر کی جائے گی۔انہوں نے مزیدکہاکہ ہر سال یکم جولائی سے ڈی اے میں 7.5 فیصد اضافہ کرنے کا فیصلہ کیا ہے۔ڈی جی پی سی نے ڈی جی پی سی کے تمام ملازمین کو مرکز حکومت کی بیمہ پالیسی (ای ایس آئی سی) کے تحت لانے کا بھی فیصلہ کیا تاکہ کسی بھی قسم کی خرابی یا کسی سنگین بیماری کی صورت میں انہیں سکھ سنگت سے چندہ مانگنے کی ضرورت نہ پڑے۔ڈی جی پی سی نے مزید کہا کہ بجٹ کی دستیابی کے مطابق انہیں سماجی تحفظ فراہم کرنے کی ہر ممکن کوشش کی جائے گی۔ اس سلسلے میں ایس بلویندر سنگھ نائب صدر اور ایس سرجیت سنگھ سکریٹری نے میڈیا کے نمائندوں سے بات کرتے ہوئے سکھ سنگت سے درخواست کی کہ وہ نو تشکیل شدہ ڈی جی پی سی کے ساتھ تعاون کریں تاکہ وہ سکھ سنگت کی امنگوں کے مطابق اصلاحات لا سکیں۔
