بھلہ علاقے میں غیر قانونی کانکنی کو روکنے کے لیے مزید تین گاڑیوں کو ضبط کیا
منظور سمسھال
ڈوڈہ ؍؍ضلع معدنیات افسر (ڈی ایم او) ڈوڈہ، سنیل منہاس کی قیادت میں ایک اہم مشترکہ آپریشن میں، محکمہ ریونیو کے تعاون سے، بھدرواہ سب ضلع کے بھلہ علاقے میں غیر قانونی کان کنی کی سرگرمیوں کو ایک بار پھر ناکام بنایا گیا۔ مصدقہ اطلاع کی بنیاد پر فوری کارروائی کی گئی، جس کے نتیجے میں غیر قانونی طور پر معمولی معدنیات لے جانے والے تین ڈمپرز کو قبضے میں لے لیا گیا۔ یہ کریک ڈاؤن غیر قانونی کان کنی کے طریقوں سے نمٹنے اور قدرتی وسائل کے تحفظ کے لیے ضلعی انتظامیہ کے عزم کا ثبوت ہے۔ڈی سی ڈوڈہ وشیش مہاجن کی نگرانی میں وقف ٹیم نے غیر قانونی معمولی معدنیات سے لدے تین ڈمپروں کو کامیابی کے ساتھ ضبط کرلیا۔ اس آپریشن کا مقصد ماحولیاتی نقصان کو مزید روکنا اور اس طرح کی خلاف ورزیوں کے خلاف ضلع کی زیرو ٹالرنس کی پالیسی کو برقرار رکھنا تھا۔
