پولی ٹیکنک، آئی ٹی آئی تربیت یافتہ ملازمت کی پیشکشیں حاصل کریں
لازوال ڈیسک
جموں؍؍ڈائریکٹر سکل ڈیولپمنٹ ڈیپارٹمنٹ، سدرشن کمار نے آج پرائیویٹ سیکٹر انٹرپرائزز کی طرف سے پیش کردہ پولی ٹیکنک اور آئی ٹی آئی کے تربیت یافتہ امیدواروں کو جاب لیٹر تقسیم کئے۔میسرز ایس کے ایچ میٹلز لمیٹڈ، گروگرام، ہریانہ نے الیکٹریکل، مکینیکل اور آٹوموبائل انجینئرنگ میں گورنمنٹ پولی ٹیکنک سے پاس آؤٹ طلباء کو آپریشنل انجینئر ٹرینیز (OET) کے طور پر 16619 روپے ماہانہ CTC کے ساتھ منتخب کیا ہے۔ Revant Communication Pvt. Ltdاور ETTL نے ITIs سے بالترتیب 3 اور 2 پاس آؤٹ طلباء کا انتخاب کیا۔ڈائریکٹر نے منتخب طلباء کو مبارکباد دی اور انہیں محنت کرنے کا مشورہ دیا۔ انہوں نے پولی ٹیکنیک اور آئی ٹی آئی کے طلباء کو ملازمت کے مواقع فراہم کرنے پر کمپنیوں کا شکریہ ادا کیا اور طلباء پر زور دیا کہ وہ مختلف پلیسمنٹ ڈرائیوز میں پورے جوش و خروش کے ساتھ حصہ لیں اور مختلف اداروں میں ملازمت کے لیے اپنی پیشہ ورانہ اور تکنیکی صلاحیتوں کا بھرپور استعمال کریں۔اس پلیسمنٹ ڈرائیو کا انعقاد ڈویڑن لیول ٹریننگ اینڈ پلیسمنٹ (ڈی ایل ٹی پی) سیل جموں اور اسکل ڈیولپمنٹ ڈیپارٹمنٹ کے آئی ٹی آئی پلیسمنٹ سیل نے کیا تھا۔ ایر ارون بنگوترا، پرنسپل گورنمنٹ۔ پولی ٹیکنک جموں، ای آر جی ایم بھٹ، جوائنٹ ڈائریکٹر سکل ڈیولپمنٹ جموں، جتینڈے کیسر، او ایس ڈی، راجیش کھجوریہ، نینا ڈلو، کرن سنگھ ٹریننگ اینڈ پلیسمنٹ افسران اس موقع پر موجود تھے۔
