لازوال ڈیسک
کٹھوعہ// ڈسٹرکٹ لیگل سروسز اتھارٹی کٹھوعہ نے آج یہاں تفتیشی افسروں کے لیے ایک حساس پروگرام کا انعقاد کیا جو مختلف قسم کے کیسوں اور دیگر قسم کے جرائم کی تفتیش کر رہے ہیں۔یہاں کانفرنس ہال، اے ڈی آر سنٹر، ڈسٹرکٹ کورٹ کمپلیکس کٹھوعہ میں منعقدہ اس پروگرام میں ریمانڈ کے لیے تفتیشی دفعات کے مختلف پہلوؤں کے بارے میں آگاہی فراہم کرنے کے ساتھ ساتھ ریمانڈ کے حصول کے لیے وقت کی حد پر بھی غور کیا گیا۔ وہیںیہ پروگرام بصیرت انگیز ہدایات اور چیئرمین، ڈسٹرکٹ لیگل سروسز اتھارٹی کٹھوعہ اشوک کمار شاون، پرنسپل ڈسٹرکٹ اینڈ سیشن جج کٹھوعہ کی نگرانی میں منعقد کیا گیا تھا۔مذکورہ پروگرام میں آئی اوز کے علاوہ پینل ایڈووکیٹ، پراسیکیوشن ونگ کے عہدیداران اور پینل وکلاء بھی موجود تھے۔آخر میں پروگرام میں موجود تمام اسٹیک ہولڈرز کے ساتھ ایک انٹرایکٹو سیشن بھی ہوا۔ تمام اسٹیک ہولڈرز نے پروگرام سے مستفید ہونے پر بے حد اطمینان کا اظہار کیا اور مستقبل میں اس طرح کے مزید پروگراموں کے انعقاد کی خواہش کی۔
