کہا حکومت اشتعال انگیز اور یکطرفہ فیصلوں سے باز رہے
لازوال ڈیسک
جموں؍؍ ڈوگرہ صدر سبھا، جموں و کشمیر (ڈی ایس ایس) کی ایگزیکٹو کمیٹی کی ایک ہنگامی میٹنگ میں سابق کابینہ وزیر اور سبھا کے صدر گلچین سنگھ چاڑک نے آج یہاں صبح سویرے حکومت کی طرف سے یووا راجپوت سبھا کے مشتعل اراکین اور دیگر کی رہائی کا خیرمقدم کیا ہے۔جموں خطہ کے انتہائی ناراض عوام کے ساتھ دوبارہ رابطے کو فروغ دینے کے لیے حکومت کی کارروائی کو ‘دیر آئے، درست آئے’ کا حوالہ دیتے ہوئے چاڑک نے حکومت اور انتظامیہ سے کہا ہے کہ وہ زمینی حقائق سے بیدار ہوں اور اشتعال انگیز اور یکطرفہ فیصلوں سے باز رہیں۔ انہوں نے مطالبہ کیا کہ ٹول پلازوں کے قیام، الیکٹرک سمارٹ میٹرز اور پراپرٹی ٹیکس وغیرہ جیسے عوام دشمن فیصلے فوری واپس لیے جائیں اور گزشتہ کئی سالوں سے اپنے حقیقی مطالبات کے لیے سڑکوں پر احتجاج کرنے والے دیگر لوگوں کے مسائل کے ازالے کے لیے مناسب اقدامات کیے جائیں لیکن کچھ نہیں کیا جا رہا۔ انہوں نے مزید کہا کہ اس جمہوری ملک میں عام عوام کی آواز کو غور سے سنا جائے اور اسے زیادہ اہمیت دی جائے۔ انہوں نے افسوس کا اظہار کرتے ہوئے کہا کہ موجودہ حکومت عوامی تحفظات کے تئیں بے حس نظر آتی ہے اور کہا کہ سرور میں ٹول پلازہ کا قیام اور سڑکوں کی خراب حالت کے باوجود اس کے آپریشنل ہونا، پراپرٹی ٹیکس کا نفاذ اور سمارٹ میٹرز کی خرابی سے متعلق شکایات کا ازالہ غیر ضروری طور پر کیا جا رہا ہے۔ چاڑک نے حکومت پر زور دیا کہ وہ جموں خطے کے محب وطن اور امن پسند لوگوں کے حقیقی مطالبات کو نظر انداز نہ کرے جو ہمیشہ عسکریت پسندی، بیرونی جارحیت اور فرقہ پرستی کے خلاف جنگوں میں پیش پیش رہے ہیں۔ انہوں نے قوم پرست ڈوگروں کے خلاف طاقت کے استعمال پر بھی افسوس کا اظہار کیا اور الزام عائد کیا کہ موجودہ گڑبڑ کا ذمہ دار حکومت کا ناروا رویہ ہے۔ انہوں نے لیفٹیننٹ گورنر کو متنبہ کیا کہ حکومت کے اندر ہی کچھ کالی بھیڑیں ہیں جو ایسی صورتحال پیدا کرنے کی کوشش کر رہی ہیں جہاں بدامنی بڑھے اور ان سے کہا کہ وہ ان کی شناخت کر کے انتظامیہ سے ہٹا دیں۔
