میڈیا کے کردار اور معلومات کی ترسیل کے ساتھ ساتھ صلاحیت کی تعمیر پر تبادلہ خیال کیا
لازوال ڈیسک
کرگل؍؍ تقریبات کی ایک سیریز کے ایک حصے کے طور پر، محکمہ اطلاعات و تعلقات عامہ کرگل نے آج اپنے عملے اور کرگل کے نجی میڈیا پرسنز کے لیے ایک میڈیا ورکشاپ اور تجربہ شیئرنگ سیشن کا اہتمام کیا۔اس موقع پرلداخ کے جوائنٹ ڈائرکٹر انفارمیشن امتیاز کاچو نے اسسٹنٹ ڈائرکٹر انفارمیشن کرگل پدما انگمو کے ساتھ اس موقع پر مہمان خصوصی کی حیثیت سے شرکت کی۔وہیں ورکشاپ میں دیگر کے علاوہ پرنٹ، الیکٹرانک اور آن لائن میڈیا کے ساتھ کام کرنے والے مقامی صحافیوں نے بھی شرکت کی۔
دریں اثناء اپنے کلیدی خطاب میں، جوائنٹ ڈائریکٹر، اطلاعات، لداخ، امتیاز کاچو نے میڈیا کے کردار اور معلومات کی ترسیل کے ساتھ ساتھ صلاحیت کی تعمیر میں ڈی آئی پی آر کرگل کی کوششوں پر روشنی ڈالی۔انہوں نے کہا کہ کمشنر/سیکرٹری، ڈی آئی پی آر لداخ، پدما انگمو کی نگرانی اور رہنمائی میں محکمہ نے قابل ذکر پیش رفت دکھائی ہے اور نئی بلندیاں حاصل کی ہیں۔وہیںجوائنٹ ڈائریکٹر نے ڈی آئی پی آر کرگل کی بہت سی کامیابیوں پر روشنی ڈالی۔انہوں نے دو لسانی کرگل نامہ میگزین کے لیے میڈیا کے نمائندوں، عوام اور طلبہ سے تعاون حاصل کرنے کے لیے محکمہ کی بے تابی کا بھی اظہار کیا۔
