ڈیجیٹل انڈیا میں بائیلہ پنچائیت کی عوام بجلی محکمہ سے نالاں 

منڈی – ایک طرف ہمارے ملک کو ڈیجیٹل انڈیا بنانے کے اقدام کئے جارہے ہیں دوسری جانب منڈی کے مختلف علاقوں میں بجلی کی عدم سہولیات سے عوام کو پریشانیوں کا سامناکرناپڑ رہاہے – اس حوالے سے سرپنچ بائیلہ خواجہ عبدالرزاق نے لازوال سے بات کرتے ہوے کہا کہ یہاں بائیلہ گاوں کی قریب ستر فیصدی عوام کو بجلی کی سہولیات پوری طرح میسر نہیں ہیں – کہیں پر تاریں نہیں کہیں پر بجلی کے پول نہیں ہیں – جس کی وجہ سے لوگوں نے کہیں خود لکڑیوں پر اور کہیں سے سبز درختوں پر اکہری تاریں باندھ کر خود اپنے گھروں میں لے گئے ہیں – جبکہ سوبھاگیہ سکیم کے تحت یہاں بائیلہ پنچائیت میں 140 بجلی کے کھمبے دیے گئے ہیں – افسوس کہ ابھی یہ پول لگاے ہی تھے کہ اس اسکیم کو بند کردیاگیاہے- جس کہ وجہ سے نصف سے زائید پول بغیر تار کے پڑے ہوے ہیں – اور جب محکمہ کے اعلی افیسران سے بات کی جاتی ہےتو ان کا کہناہوتاہےکہ اس اسکیم کو بند کردیاگیاہے- انہوں نے کہا اس کے علاوہ محکمہ کی جانب سے بھی اس قدر تعاون نہیں ملاہے جس قدر تعاون دیاجانامطلوب تھا- انہوں نے جموں وکشمیر کے لفٹینٹ گورنر سے اپیل کی ہے کہ عوام کی مشکلات کو مد نظر رکھتے ہوے بائیلہ میں بجلی کے نظام کو درست کرنے کے لئے محکمہ بجلی کو ھدایات جاری کریں تاکہ عوام کو بجلی کی سہولیات فراہم کی جاے -اس موقع پر خواجہ غلام اکبر خواجہ عبدالرشید اقبال احمد بشیر احمد عبدالغنی ریاض احمد عبدالاحد سیٹھ رحمان جوں واغیرہ, شامل رہے –