ڈوڈہ میں بس حادثہ، پانچ ہلاک، غلام نبی آزاد کا اظہار تعزیت

ڈوڈہ میں گاڑی کھائی میں گرنے سے 5 افراد ہلاک، 13 زخمی

غلام نبی آزاد کا لواحقین کے ساتھ اظہار تعزیت

لازوال ڈیسک

 جموں//ڈوڈہ ضلع میں بھدرواہ پٹھانکوٹ روڈ پر منگل کی دوپہر کو ایک گاڑی سڑک سے پھسل کر کھائی میں گرنے سے کم از کم پانچ افراد ہلاک اور تیرہ دیگر زخمی ہوگئے۔سرکاری ذرائع کے مطابق ایک گاڑی زیر نمبر (JK06-5071) گلڈنڈہ کے قریب حادثے کا شکار ہوگئی، جس کے نتیجے میں پانچ افراد موقع پر ہی ہلاک اور تیرہ دیگر زخمی ہوگئے۔ اس حادثے پر رنج و الم کا اظہار کرتے ہوئے ڈی پی اے پی چئیرمین غلام نبی آزاد نے کہا”ڈوڈہ ضلع کے بھدرواہ میں گلڈنڈہ- چھترگلہ روڈ پر ایک المناک بس حادثے میں قیمتی جانوں کے زیاں کے بارے میں جان کر دکھ ہوا۔ انہوں نے کہا کہ سوگوار خاندانوں کے ساتھ میری گہری تعزیت اور میں زخمیوں کی جلد صحت یابی کے لیے دعا گو ہوں۔ انہوں نے مزید کہا کہ بچاؤ آپریشن میں شامل ہونے اور زخمیوں کو ہر ممکن مدد فراہم کرنے کے لیے مقامی DPAP یونٹ سے بھی بات کی ہے!”۔۔