یاترا وین نے حکومت کے زیر اہتمام اسکیموں کی بڑی اسکرین پر نمائش کی
لازوال ڈیسک
ڈوڈہ// ہمہ گیر ترقی اور کمیونٹی ویلفیئر کو فروغ دینے کے لیے ضلع ڈوڈہ کے مختلف حصوں میں وکشت بھارت سنکلپ یاترا پروگرام کا انعقاد کیا گیا۔وہیںاس اقدام کا مقصد رہائشیوں کو کسانوں کی فلاح و بہبود کے لیے جاری سرکاری ترقیاتی پروگراموں کے بارے میں آگاہ کرنا تھا۔وہیں آج کی یاترا کے فوکل پوائنٹس ضلع ڈوڈہ کے اسر، کستی گڑھ، بھدرواہ، بھلا، ٹھاٹھری، اور بھلیسا بلاکس تھے۔وہیںوکشت بھارت سنکلپ یاترا نے مقامی لوگوں، لیڈروں، اور قومی ترقی کے مقصد کے لیے پرجوش افراد کو اکٹھا کیا۔اس تقریب میں اس خطے کے امیر ورثے اور تنوع کو ظاہر کرنے والے ثقافتی نمائش بھی پیش کی گئی۔سرکاری محکموں نے موقع پر خدمات فراہم کیں اور فائدہ اٹھانے والوں کو اپنی فلیگ شپ اسکیموں کی نمائش کی۔اس دوارن ممتاز شخصیات اور کمیونٹی رہنماؤں نے اجتماع سے خطاب کیا، اپنی بصیرت کا اظہار کیا اور شرکاء کو ملک کی ترقی میں فعال کردار ادا کرنے کی ترغیب دی۔وہیںیاترا نے شمتھی، ٹوپنیل، منڈھر اپر اینڈ لوئر، سرتینگل، سنگالی، شنگرو، ترون، پھگسو اور دھڑکئی کی پنچایتوں کا دورہ کیا، جس سے رہائشیوں کا زبردست ردعمل سامنے آیا۔ اس دوارن پھگسو اے میں، گورنمنٹ مڈل اسکول کے طلباء نے اخلاقی اقدار پر تقریریں کیں، اور ایک دلفریب ثقافتی پروگرام پیش کیا جس سے تقریب میں رونق پیدا ہوئی۔ علاوہ ازیں یاترا وین نے حکومت کے زیر اہتمام اسکیموں کو ایک بڑی اسکرین پر دکھایا، جس سے مقامی لوگوں میں بیداری پیدا ہوئی
