نئی 132KV ٹرانسمیشن لائن بجلی کی فراہمی میں 33 فیصد اضافہ کرے گی:ڈی سی، ہرویندر سنگھ
لازوال ڈیسک
ڈوڈہ//ضلع ڈوڈہ کے رہائشی بجلی کی فراہمی میں نمایاں بہتری کی توقع کر سکتے ہیں کیونکہ ری ویمپڈ ریفارمڈ ڈسٹری بیوشن سیکٹر سکیم 719 کلومیٹر خاردار، خراب شدہ تاروں، کھمبوں، اور دیگر سازوسامان، مشینری کو جدید اور بہتر انفراسٹرکچر سے بدل دے گی۔ وہیںیہ جانکاری ضلع ترقیاتی کمشنر ہرویندر سنگھ نے ضلع میں آر ڈی ایس ایس کے رول آؤٹ پر تبادلہ خیال کرتے ہوئے دی۔ یہ بھی بتایا گیا کہ ایک نئی 132KV رام بن، کھیلانی ،کشتواڑ ٹرانسمیشن لائن، جو حکومت کی طرف سے جلد ہی شروع کی جائے گی، موجودہ بنیادی ڈھانچے پر پڑنے والے دباؤ کو کم کرنے اور مجموعی اعتبار کو بڑھانے کا وعدہ کرتی ہے۔ وہیںیہ اندازہ لگایا گیا تھا کہ نئی ٹرانسمیشن لائن کے ذریعے ضلع کو مجموعی طور پر بجلی کی فراہمی کی صلاحیت میں 33 فیصد اضافہ متوقع ہے۔فی الحال، خطہ بجلی کی فراہمی کے لیے ادھمپور گرڈ اسٹیشن سے 132KV سنگل ڈی ایچ پی لائن پر بہت زیادہ انحصار کرتا ہے، جس میں 132،33KV گرڈ سب اسٹیشن کھیلانی ایک اہم نوڈ کے طور پر کام کر رہا ہے۔ تاہم، رام بن-کھیلانی-کشتواڑ لائن کے جلد شروع ہونے کے ساتھ، بجلی کا ایک اضافی ذریعہ دستیاب ہو جائے گا، جو موجودہ دول ہستی ٹرانسمیشن لائن کی تکمیل کرے گا۔
